काठमाडौं । नुवाकोटको किस्पाङ गाउँपालिकका अध्यक्ष वीरबल तामाङ सिंहदरबारबाट पक्राउ परेका छन् । आज (सोमबार) बाढी प्रभावित क्षेत्रका जनप्रतिनिधिसँग सिंहदबारमा बालेनले राखेको बैठकमा तामाङ पनि सहभागी भएका थिए ।

बैठकलगत्तै उनलाई सिंहदरबारबााट पक्राउ गरिएको हो । अरुण अर्यालको जाहेरीले तामाङविरुद्ध बैंकिङ कसुर मुद्दा दर्ता भएको थियो ।

प्रहरी वृत्त दरबारमार्गमा दर्ता भएको उक्त मुद्दामा तामाङलाई पक्राउ गर्नका लागि सोही वृत्तले अनुमति मागेको र सोहीबमोजिम पक्राउ परेको काठमाडौं प्रहरी प्रवक्ता एसपी दानबहादुर थापाले जानकारी दिए ।

हिजोमात्र काठमाडौं जिल्ला अदालतबाट प्रहरीले तामाङलाई पक्राउ गर्न अनुमति लिएको थियो । ४३ वर्षीय तामाङ काठमाडौंको नयाँबजारमा ओसिन ट्रान्सपोर्ट एण्ड एडभेन्चर प्रालि नामक कम्पनी चलाउँथे ।

सम्बन्धित समाचार

प्रधानमन्त्री बालेनले सभापति रविलाई किन भेट ? यस्ता छन् मन्त्रिपरिषद् बैठकका मुख्य ७ निर्णय पार्टी एकताका लागि त्याग गर्न तयार रहेको कोइरालाको सन्देश राष्ट्रपति पौडेलले राष्ट्रका नाममा सम्बोधन गर्दै उद्योगीको ‘पाता नकसे’सम्म ग्यास अभाव हुने अभिव्यक्ति दिएकी उद्योगमन्त्री यादवले दिइन् राजीनामा उद्योगमन्त्रीमा सुनसरीका साह सिफारिस अर्थमन्त्री वाग्लेको मानवीय मामिला सल्लाहकारमा पराजुली नियुक्त कांग्रेस केन्द्रीय कार्यसम्पादन समिति बैठकमा पदाधिकारी, सदस्य र प्रदेश सभापतिलाई अनिवार्य उपस्थित हुन सर्कुलर