काठमाडौं । नेपाल र बंगलादेशबीच तीन खेलको टी–२० सिरिज हुने भएको छ । नेपाल क्रिकेट संघ (क्यान) र बंगलादेश क्रिकेट बोर्ड (बीसीबी) को संयुक्त पहलमा आगामी मार्चमा सिरिज आयोजना हुने भएको हो ।

नेपाल र बंगलादेशबीचको सिरिज हालै नेपालमा आएको विनाशकारी बाढी विपद्का क्रममा ज्यान गुमाएका व्यक्तिहरूको स्मृतिमा समर्पित गरिने भएको छ । क्यानका अनुसार सिरिजलाई क्रिकेट मैदानमा हुने खेलमा मात्रै सीमित नराखी नेपालको समग्र क्रिकेट विकासमा दीर्घकालीन सहकार्यका रूपमा अघि बढाइनेछ ।

बीसीबीले नेपालको महिला क्रिकेट तथा उमेर समूहको क्रिकेट विकास र क्षमता अभिवृद्धिका कार्यक्रमहरूमा सहयोग गर्नेछ । यस्तै, भविष्यमा नेपाल ‘ए’ टोलीका भ्रमण तथा द्विपक्षीय ‘ए’ टोलीका कार्यक्रमलाई समेत प्रोत्साहन गर्दै खेलाडी विकास, प्रतिस्पर्धात्मक अनुभव र नेपालको क्रिकेटको दीर्घकालीन विकासमा सहकार्य गर्ने प्रतिबद्धता जनाइएको छ ।

सिरिजअन्तर्गत पहिलो खेल मार्च २६, २०२७ मा हुनेछ । दोस्रो खेल मार्च २८ र तेस्रो खेल मार्च ३० मा हुनेछ । सिरिजका तीनवटै खेल कीर्तिपुरस्थित त्रिवि क्रिकेट मैदानमा हुनेछन् ।

सम्बन्धित समाचार

मलेसियाले नेपाललाई दियो एक सय चार रनको सामान्य लक्ष्य गाउँ जाने बाटोमा ज्यानकै जोखिम बाढीमा सुदूरपश्चिमका १५० जना अझै बेपत्ता डीएनए परीक्षणले खुलायो बाबुको हत्यामा छोराहरुकै संलग्नता बाढीपीडितका लागि सुरक्षित जग्गा पहिचान गर्न सहसचिवको नेतृत्वमा समिति गठन राजविराज उच्च बारमा बहादुरको प्रवेशले भिड्न्त रोचक नेपाल ‘ए’ ‘टस’ जितेर न्युजिल्यान्ड विरुद्ध ‘ब्याटिङ’ गर्दै मस्कोमा अमेरिकी टोलीले युक्रेन युद्ध अन्त्यका लागि पुटिनसँग गरे तीन घण्टा विशेष छलफल