काठमाडौं । करदातालाई नियमित रूपमा कर तिर्न प्रोत्साहित गर्ने उद्देश्यले सञ्चालन गरिएको करदाता प्रोत्साहन उपहार कार्यक्रमअन्तर्गत भदौ महिनाका ३३ जना विजेताको नाम आज सार्वजनिक गरिएको छ ।

आन्तरिक राजस्व विभाग, लाजिम्पाटमा बिहीबार आयोजित कार्यक्रममा भदौ महिनामा घोषणा हुन बाँकी सबै विजेताको नतिजा आज एकैपटक सार्वजनिक गरिएको हो ।

विभागका अनुसार नियमिततर्फ छनोट भएका ३१ जना विजेताले जनही १ लाख ३३ हजार ३३४ रुपैयाँ पुरस्कार पाउनेछन् । त्यस्तै, दुई जना बम्पर विजेताले प्रतिव्यक्ति १० लाख रुपैयाँ पाउनेछन् ।

१ भदौदेखि १५ भदौसम्म भएको कारोबारका आधारमा १५ जना नियमित र एक जना बम्पर विजेता र १६ भदौदेखि ३१ भदौसम्मको कारोबारका आधारमा थप १६ जना नियमित र एक जना बम्पर विजेता छनोट भएका छन् ।

यसरी भदौ महिनामा कुल ३१ जना नियमित र दुई जना बम्पर गरी ३३ जना विजेता छनोट भएका हुन् ।

भदौ १६ गतेका लागि तय गरिएको उपहार विजेता छनोट तथा घोषणा कार्यक्रम रसुवास्थित भोटेकोशी नदीमा आएको बाढीका कारण स्थगित भएको थियो । त्यसका कारण सो दिन सार्वजनिक हुनुपर्ने नतिजा पनि रोकिएको थियो ।

विजेता करदाताले आफूलाई उपलब्ध गराइएको कुपन नम्बरमार्फत पुरस्कारको नतिजा हेर्न सक्नेछन् । मोबाइल बैंकिङ वा डिजिटल वालेटबाट प्राप्त कुपन नम्बरका आधारमा विभागले तोकेको माध्यमबाट आफ्नो नाम र पुरस्कार’bout जानकारी लिन सकिने व्यवस्था गरिएको छ ।

सम्बन्धित समाचार

सुन तोलामा सात हजार ६०० रूपैयाँले बढ्यो, चाँदी १४५ रुपैयाँ अर्थमन्त्री डा. वाग्लेद्वारा पुँजी बजार विकास र सुधारका उपाय पेस गर्न निर्देशन आज सुन र चाँदी दुवैको भाउ वृद्धि, कतिमा भइराखेको छ कारोबार ? ह्वात्तै घट्यो सुन चाँदीको भाउ अर्थतन्त्र गतिशील बनाउन पाँच ‘विशेष प्याकेज’ अघि बढाउँदै सरकार भोटेकोशी बाढी प्रभावितका लागि दूरसञ्चार प्राधिकरणद्वारा १५ करोड सहयोग अर्थमन्त्री वाग्ले भारत भ्रमणमा जाँदै निजामती सेवा विधेयक : लोकसेवा आयोगको परामर्श कुर्दै सरकार, यी हुन् प्रस्ताव गरिएका नयाँ व्यवस्था