वीरगन्ज । अतिरिक्त लाभ कमाइने लोभमा प्रतिवन्धित लागु औषध ओसार–पसार कार्यमा संलग्न तीन जना प्रहरी नियन्त्रणमा परेका छन् । अभियुक्तहरुलाई पर्सा प्रहरी मातहतको प्रहरीले आइतबार राती नियन्त्रणमा लिएको हो ।

जिल्लाको पटेर्वासुगौली गाउँपालिका वडा नम्बर १ मलाही टोलबाट ३० केजी गाँजा सहित पटेर्वासुगौली गाउँपालिका १ कै ५० वर्षीय महेश सहनी, सोही ठाउँका नन्दलाल सहनी र ७५ वर्षीय भुटी भन्ने भुरी चौधरीलाई पक्राउ गरिएको पर्साका प्रहरी नायव उपरिक्षक चक्रबहादुर मल्लले बताए । प्रहरीले नियन्त्रणमा लिएका तीनैजना अभियुक्तलाई लागु औषध नियन्त्रण सम्बन्धी मुद्दामा थप अनुसन्धान भइरहेको पर्सा प्रहरी प्रवक्ता समेत रहेका प्रहरी नायव उपरिक्षक मल्लले बताए ।

लागु औषध ओसार–पसारमा पक्राउ परेका अभियुक्त माथि औषध नियन्त्रण ऐन आकर्षित हुने प्रहरीले जनाएको छ । यो ऐनको दफा १४ (१) (घ) (५) अनुसार १० किलोभन्दा माथि जतिसुकै केजी गाँजा उत्पादन, तयारी, खरिद, बिक्री–वितरण, निकासी–पैठारी, ओसारपसार वा सञ्चय गरेको पाइए सो कसुरमा २ वर्षदेखि १० वर्षसम्म कैद वा रु. १५ हजारदेखि रु. १ लाखसम्म जरिवाना हुन सक्ने ऐनमा व्यवस्था छ ।

तर यसो भन्दैमा ३० केजी गाँजा सहित पक्राउ परेका सहनीद्वय र चौधरीको हकमा स्वतः १० वर्ष कैद हुन्छ भन्ने चाही हुँदैन । परन्तु अदालतले कसुर प्रमाणित गरे अनि बल्ल सजायको मात्रा निर्धारण गर्दा अभियुक्तको भूमिका, कसुरको प्रकृति, परिस्थितिलगायत सम्बन्धित तथ्य र न्यायधीशको तजबीज सहित आवश्यक कार्वाही प्रक्रिया चाही अगाडी बढ्ने प्रहरीको भनाइ छ ।

सम्बन्धित समाचार

पाँच वर्षपछि हत्या आरोपमा एमाले नेताका छोरा पक्राउ सशस्त्र प्रहरी बलद्वारा ठूलो परिमाणमा लागूऔषध बरामद ठमेलमा शङ्कास्पद गतिविधि गरेको अभियोगमा दश बङ्गलादेशी पक्राउ ‘बर्थिङ सेन्टर’ नाम छ, सेवा छैन प्रादेशिक अस्पताल कलैयाको एक्सरे ठप्प अपहरणमा परेको १२ दिनपछि १५ महिने बच्चाको सकुशल उद्धार चित्रगुप्त र चित्रांश समाजद्वारा बाढीपीडितलाई सहयोग बालिका यौन दुर्व्यवहार आरोपमा खरेल पक्राउ