बारा । प्रादेशिक अस्पताल कलैयाको एक्सरे मेसिन ठप्प भएकोले सेवाग्राही पिडित बनेका छन । एक्सरे मेसिन बिग्रिदा दैनिक दर्जनौ सेवाग्राही पिडित बनेका हुन । अस्पताल स्रोतको अनुसार मेसिन बिगार्नेमा अस्पताल भित्रकै संगलगनता रहेको बताउछन । मेसिन बिग्रे पछि निजी क्लिनिकबाट कमिसन आउने गरेको छ ।

यता मेसिन बिग्रिदा अस्पताल प्रशासन पनि निरिह देखिएको छ । एक्सरे मेसिन देखि एल एफ टि लगायतका टेष्टका केमिकल देखि मेसिन बिग्रिदा पनि अस्पताल प्रशासन मौन बस्नुले कमिसनको चलखेलको आरोप लागेको छ ।

दैनिक दिर्घ रोगी लगायत हजारौ बिरामीहरू प्रादेशिक अस्पताल कलैयामा सेवा लिन आउने गरेको अस्पताल तथ्याङ्कले देखाउँछ । तर सेवाको नाममा अस्पताल भर्तीको केन्द्रमा सिमित हुन पुगेको छ ।

न त अस्पतालले गुणस्तरीय सेवा नै दिन सकेको छ न सेवाग्राहीलाई औषधी उपलब्ध गराउन सकेको छ । अस्पतालमा बिना सुचना प्रतिस्पर्धा बिना नै आफ्नो आसेपासेलाई नियुक्त गर्दा अस्पतालको सेवा गुणस्तरहिन भएको नागरिक समाज बाराका अध्यक्ष उमेशलाल दास बताउछन ।

औषधीमा पनि टेण्डर बिना नै आफु अनुकूल कमिसनको लोभमा औषधी खरिद गर्ने गरेको पाइएको छ । औषधीको एक्सपायर मिति कम भएको औषधी प्राय खरिद गर्ने गरिएको छ । जसमा अस्पताल रेकर्डमा औषधी खरिद गरेको देखाइन्छ, ‘ चाडै एक्सपायर हुने भएकोले औषधी पुन खरिद गर्दा कमिसन आउने गरेको छ ।

मेडिकल सुपरिटेन्डेन्ट डा राहुल मण्डलले फोन नउठाउदा प्रतिक्रिया लिन सकिएन ।

सम्बन्धित समाचार

ठाकुररामको तलब, काम आफ्ना शैक्षिक संस्थामा समितिको निगरानी सुरु ‘बर्थिङ सेन्टर’ नाम छ, सेवा छैन अनुशासित र योग्न बनाउन विद्यार्थीलाई नै जिम्मेवारी जनमत पार्टीका केन्द्रीय सदस्य पाण्डेको दुर्घटनामा मृत्यु प्राकृतिक विपतीमा सहयोग गरौ : अध्यक्ष चौधरी क्याम्ब्रिच इग्लिस लिडरसिप कन्फ्रेन्स काठमाडौंमा ११ वर्षीय बालकको हत्या आरोपमा एक पक्राउ विद्यार्थी, युवा र वैदेशिक रोजगारीबाट फर्किएकालाई वृत्ति मार्गनिर्देशन सेवा दिइने, के के छन् निर्देशिकामा ?