काठमाडौं । साताको दोस्रो कारोबार दिन मंगलबार सेयर बजार राताम्मे भएको छ । नेपाल स्टक एक्सचेन्ज (नेप्से) परिसूचक ९.६२ अंकले घटेर २६०३.७१ बिन्दुमा झरेको छ ।

१३ मध्ये दुई उपसमूहको परिसूचक मात्र बढेको छ । आज निर्जीवन बीमा र अन्य उपसमूहको परिसूचक सामान्य अंक बढेको छ। कारोबारमा आएको व्यापार उपसमूहको परिसूचक १.८७ प्रतिशत घटेको छ।

नेप्सेसँगै मंगलबार कारोबार रकम पनि घटेको छ। सोमबार पाँच अर्ब ३८ करोड रुपैयाँबराबरको सेयर खरिदबिक्री भएको थियो । आज ३६३ स्टकको ५१ हजार २७४ पटकको कारोबारमा चार अर्ब ६५ करोड ४८ लाख ७८ हजार रुपैयाँबराबरको एक करोड १० लाख ६९ हजार कित्ता सेयर खरिदबिक्री भएको छ।

आज सबैभन्दा धेरै हिमालयन डिष्टिलरी कम्पनीको २२ करोड ९९ लाख रुपैयाँ बराबरको कारोबार भएको छ । त्यस्तै, शिवम् सिमेन्ट्सको १७ करोड र सिद्धार्थ बैंकको कारोबार रकम साढे १६ करोड रुपैयाँ नाघेको छ।

आज १२ प्रतिशत आइसिएफसी फाइनान्स लिमिटेड डिबेन्चर २०८३ का लगानीकर्ताले सबैभन्दा धेरै नाफा कमाएका छन् । कम्पनीको सेयर मूल्य ९ प्रतिशतभन्दा धेरैले बढेको छ । सिटिजन्स सुपर ३० म्युचुअल फण्डका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्य ५ प्रतिशतभन्दा धेरैले घटेको छ ।

सम्बन्धित समाचार

पोखरामा जग्गाको कित्ताकाट खुल्यो अर्थमन्त्री वाग्ले भारत भ्रमणमा जाँदै सहकारी समस्या समाधानमा सरकारको अलमल सुनको भाउ फेरि ३ लाख रुपैयाँ मुनि करदाता प्रोत्साहन उपहार : भदौ महिनाको यी हुन् ३३ विजेता ३६ सयले बढ्यो सुनको मूल्य, आज कतिमा हुँदैछ कारोबार ? बिजुलीमा लगाइएको ५ प्रतिशत भ्याट हटाउँदै सरकार घट्यो सुनचाँदीको मूल्य, कतिमा भइराखेको छ कारोबार ?