धनगढी । कैलालीको धनगढीस्थित चैतन्य पाठशालाले ‘फुटबल फर स्कुल : रोड टु वर्ल्ड कप’ कार्यक्रमअन्तर्गत जिल्लास्तरीय अन्तरविद्यालय फुटबल प्रतियोगिता आयोजना गर्ने भएको छ ।

प्रतियोगिता आगामी मंसिर २५ देखि पुस ८ गतेसम्म धनगढी रंगशालामा सञ्चालन हुनेछ ।

पाठशालाले मंगलबार पत्रकार सम्मेलन आयोजना गर्दै प्रतियोगिता’bout जानकारी गराएको हो । पाठशालाका अध्यक्ष गणेशप्रसाद जोशीले बालबालिकामा फुटबलप्रतिको रुचि बढाउने, प्रतिभावान् खेलाडी पहिचान गर्ने तथा विद्यालयस्तरबाटै फुटबलको विकास र प्रवर्द्धन गर्ने उद्देश्यले प्रतियोगिता आयोजना गर्न लागिएको बताए ।

प्रतियोगिता सञ्चालनका लागि कैलाली जिल्ला फुटबल संघ र चैतन्य पाठशालाबीच १४ वर्षमुनिका छात्रछात्राको जिल्लास्तरीय फुटबल प्रतियोगिता आयोजना गर्ने सम्बन्धमा सम्झौतापत्रमा हस्ताक्षरसमेत भएको छ । सम्झौतापत्रमा पाठशालाका तर्फबाट प्राचार्य प्रेमनिधि ओझा र संघका अध्यक्ष अनिल मल्लले हस्ताक्षर गरेका छन् ।

दुवै संस्थाबीचको सहकार्यले जिल्लामा विद्यालयस्तरीय फुटबलको विकास र छात्रछात्राको खेल सहभागिता बढाउन सहयोग पुग्ने विश्वास आयोजकले लिएको छ ।

प्रतियोगितामा छात्र र छात्रातर्फ १६/१६ गरी कुल ३२ टोली सहभागी हुनेछन् । प्रत्येक टोलीमा अतिरिक्त खेलाडीसहित २० खेलाडी रहनेछन् भने प्रशिक्षक, व्यवस्थापक र फिजियोथेरापिस्टसहित एक टोलीमा २३ जना रहने आयोजकले जनाएको छ ।

प्रतियोगितामा ३२ टोलीका अफिसियलसहित ७३६ जनाको प्रत्यक्ष सहभागिता रहनेछ । प्राविधिक तथा व्यवस्थापनतर्फका जनशक्तिसमेत जोड्दा खेलाडी, अफिसियल र रेफ्री गरी ७५० भन्दा बढीको सहभागिता रहने आयोजकको भनाइ छ ।

प्रतियोगितामा प्रथम हुने टोलीले एक लाख रुपैयाँ र द्वितीय हुने टोलीले ५० हजार रुपैयाँ पुरस्कार प्राप्त गर्नेछन् । विजेता तथा उपविजेता टोलीलाई ट्रफी, मेडल र प्रमाणपत्रसमेत प्रदान गरिनेछ ।

सम्बन्धित समाचार

सेती अस्पतालको ३०० मिटरभित्रका निजी स्वास्थ्य संस्थामाथि कडाइ शनिवारीय महिला उद्यम बजार असोज २४ गतेदेखि पुनः सञ्चालन हुने ८ वर्षदेखि अलपत्र शिवगंगा पुल, उपमहानगरलाई बर्सेनि अस्थायी संरचना बनाउनुपर्ने बाध्यता सुदूरपश्चिममा फेरि रोकियो बजेट, प्रदेशसभा बैठक २४ गतेसम्म स्थगित सुदूरपश्चिमका आठ स्थानमा सुपथ मूल्य पसल सञ्चालन तीन महिनापछि सुदूरपश्चिममा आयो ३७ अर्ब ७० करोडको बजेट धनगढीको जेन्जी मार्गमा डिजिटल बोर्ड सञ्चालन, दैनिक ३ घण्टा प्रसारण हुने सुदूरपश्चिमका धार्मिक तथा पर्यटकीय स्थल समेटिएको वृत्तचित्र र बुकलेट सार्वजनिक