झापा । आउँदै गरेको तिहार पर्वका समयमा हुन सक्ने आगलागीका घटनालाई मध्यनजर गर्दै सशस्त्र प्रहरी बल नेपाल नं. २ गण झापाले भद्रपुर नगरपालिकासँगको सहकार्यमा आगलागी नियन्त्रणसम्बन्धी अभ्यास गरेको छ ।

तिहारका बेला दीपावली तथा पटका र अन्य प्रज्ज्वलनशील सामग्रीको प्रयोगबाट हुन सक्ने आगलागीका घटनालाई न्यूनीकरण गर्ने, विपद्को समयमा तत्काल उद्धार तथा आगो नियन्त्रण गरी जनधनको क्षति कम गर्ने उद्देश्यले उक्त अभ्यास गरिएको हो ।

अभ्यासका क्रममा सशस्त्र प्रहरी कर्मचारीहरूले आगलागी नियन्त्रण तथा उद्धार कार्यसम्बन्धी व्यावहारिक अभ्यास गरेका थिए । यस प्रकारका अभ्यासले विपद् व्यवस्थापनमा सुरक्षाकर्मीको पूर्व तयारी, कार्यक्षमता र समन्वयलाई थप प्रभावकारी बनाउन सहयोग पुग्ने विश्वास सशस्त्रले लिएको छ ।

आगलागी तथा अन्य विपद्का घटनामा सुरक्षा र उद्धार कार्यमा सक्रिय भूमिका निर्वाह गर्दै आएको सशस्त्र प्रहरी बल नेपाल नं. २ गण झापाले सम्भावित जोखिम न्यूनीकरण, विपद् प्रतिकार्य क्षमता अभिवृद्धि तथा स्थानीय तहसँगको सहकार्यलाई प्राथमिकतामा राख्दै आएको छ ।

तिहारलाई सुरक्षित र मर्यादित बनाउन आगो तथा विद्युतीय उपकरणको प्रयोगमा सावधानी अपनाउन तथा आगलागीको जोखिम देखिएमा तत्काल सशस्त्र प्रहरी बल वा अन्य सम्बन्धित निकायलाई खबर गर्नसमेत सशस्त्र प्रहरी बल नेपाल नं. २ गण झापाले सबैमा आग्रह गरेको छ ।

सम्बन्धित समाचार

आश्विन शुक्ल नवमी : महानवमी पर्व मनाइँदै घटस्थापनादेखि आजसम्म पाँच लाख ७६ हजारभन्दा बढीले छाडे काठमाडौं उपत्यका आगामी साताको अन्त्यमा वर्षा र हिमपातको सम्भावना, चिसो बढ्ने बबरमहलको आकाशे पुल यसै सातादेखि सञ्चालनमा आउने शरद् ऋतुमा ४४ हिमाल आरोहण गर्न ७६ देशका आरोहीलाई अनुमति पृथ्वी राजमार्गसहित मुलुकका १२ भन्दा बढी सडक अवरुद्ध हवाई फायर गरी २०९ केजी गाँजा बरामद, पाँच जना पक्राउ महाअभियोगसम्मको सामना गर्न सर्वोच्चका न्यायाधीश तयार