संखुवासभा । संखुवासभामा निर्माणाधीन ९ सय मेगावाटको अरुण तेस्रो जलविद्युत आयोजनाको प्रवेश मार्गको छुट मुआब्जा रकम अभावले रोकिएको छ । जिल्ला प्रशासन कार्यालयको धरौटी खातामा रकम सकिएपछि अरुण तेस्रो प्रवेश मार्गको छुट मुआब्जा वितरण रोकिएको हो । छ्याङकुटी–दिदिङ सडक खण्डको (२४.५ किलोमिटर) अन्तरर्गत ४ सय ५४ रोपनी जग्गाको छुट मुआब्जा वितरण गर्न सर्बोच्च अदालतले पुष १७ गते आदेश दिएको थियो ।

विकासकर्ता कम्पनी सतलज जलविद्युत् निगम (एसएपिडिसी) ले छुट मुआब्जा बापतको ५३ करोड रुपैयाँ जिल्ला प्रशासन कार्यालयको धरौटी खातामा रकम जम्मा नगरेपछि मुआब्जा वितरण रोकिएको जिल्ला प्रशासन कार्यालयले जनाएको छ । सतलज जलविद्युत् निगम (एसएपिडिसी) ले जिल्ला प्रशासन कार्यालयको धरौटी खातामा मुआब्जा बापतको ५३ करोड रुपैयाँ मध्ये २५ करोड मात्र पठाएको थियो । धरौटी खातामा मुआब्जा बापतको रकम सकिएपछि तत्कालका लागि मुआब्जा वितरण रोकिएको हो ।

अरुण प्रवेश मार्गको छुट मुआब्जा बापतको २५ करोड रुपैयाँ वितरण भइसकेको संखुवासभाका प्रमुख जिल्ला अधिकारी विनोद कुमार खड्काले जानकारी दिए । प्रवेश मार्गका पीडित मध्ये ६० परिवारले २५ करोड रुपैयाँ भुक्त्तानी भइसकेको प्रजिअ खड्काले बताए । सतलज जलविद्युत् निगमले भुत्तानी गर्न बाँकी रकम केही दिनमा जिल्ला प्रशासन कार्यालयको खातामा जम्मा गरे लगत्तै पुन वितरण सुरु गरिने प्रजिअ खड्काले बताए ।

विसं २०८० वैशाख २६ गते छ्याङकुटी–दिदिङ सडकखण्डको छुट मुआब्जा प्रमुख जिल्ला अधिकारी संयोजक भएको मुआब्जा निर्धारण समितिले प्रति रोपनी ११ लाख ७५ हजार दिने निर्णय गरेको थियो । छ्याङकुटी–दिदिङ सडक खण्डको (२४.५ किलोमिटर) जग्गाको मुआब्जा २०४६ सालमा नै दिएको भएपनि छुट जग्गाको मुआब्जा जग्गाधनीले पाएका थिएनन् ।

अरुण तेस्रो परियोजनाले व्यावसायिक उत्पादन गर्न थालेको एक वर्षभित्र स्थानीयलाई सेयर दिने पीडिएमा उल्लेख गरिएको छ । पीडिए अनुसार यस परियोजनाबाट एक सय ६० करोड रुपियाँ स्थानीयलाई सेयर दिइने छ । करिब एक खर्ब चार अर्ब लागत अनुमान गरिएको परियोजनाबाट नेपाललाई २१ प्रतिशत निःशुल्क विद्युत प्राप्त हुने छ भने विभिन्न शीर्षकमा तीन खर्ब ४८ रुपियाँ आर्थिक लाभ मिल्ने छ ।

विद्युत उत्पादनपछि प्रत्यक्ष प्रभावित परिवारले प्रतिमहिना ३० युनिटसम्म विद्युत निःशुल्क प्राप्त गर्ने छन् । निर्माण सम्पन्न भएको २५ वर्षपछि परियोजना नेपाल सरकारलाई हस्तान्तरण गर्ने पिडिएमा उल्लेख गरिएको छ । अरुण तेस्रो परियोजनामा नेपाली भारतिय सहित झन्डै ४ हजार कामदार कार्यरत छन् ।

सम्बन्धित समाचार

इलामको ठ्याउरे खोलाको फ्याउरे सिँचाई योजना अलपत्र प्रथम राष्ट्रिय बाँस सम्मेलनमा सहभागीको दिक्तेल आगमन सुरु मन्त्रीद्वारा यलम्बर बाजा बजाउँदै बाँस सम्मेलनको उद्घाटन प्रथम राष्ट्रिय बाँस सम्मेलन सम्पन्न राष्ट्रिय सभाबाट नवीकरणीय ऊर्जा विधेयक सर्वसम्मतिले पारित बैंकहरूले दिएको ऋण डुब्ने संकेत आज सुनचाँदीको मुल्य कति पुग्यो ? ‘बोनस सेयर आय नै हो, कर लाग्छ’ नेपाललाई ‘ग्रे लिस्ट’बाहिर आउन सकस पूर्वबाट रातो सूर्य उदाउँदैछ: प्रचण्ड बागमतीमा २३ वटा बहुवर्षीय योजना रंगुन जलाधारको व्यवस्थापन गर्न ३ वटा पालिकाको ऐक्यबद्धता