इलाम । खेलको अतिरिक्त समयमा सुर्य राउतको गोलले पथरी ११ मोरङ क्वाटर फाइनलमा पुगेको छ । खेलको तेस्रो मिनेटमै रेडहर्षका सन्देश खड्काले गोल गर्दै टीमलाईलाई अग्रता दिलाए । डिबक्सभित्र पुगेको बललाई उनले सहज रूपमा जाली चुमाएका थिए । तेस्रो मिनटमा अग्रता कायम गरेको रेडहर्ष फुटबल क्लबले अतिरिक्त पाँच मिनेट थेग्न नसक्दा पराजित बन्योे । निर्धारित समय १–१ गोलको बराबरीमा सकिएपछि टाइब्रेकरमा पुगेको थियो ।

टाइब्रेकरमा पथरी ११ का आशिष लावती, सविन मगर, युकेश तामाङ र पदम भट्टराईले गोल गरे भने राम वाजी गोल गर्न चुके । आयोजक रेडहर्षका सन्देश खड्काको प्रहार बाहिरियो, किरण सुनुवारको प्रहार किपरले बचाउ गरे । विवेक सोनाम र रोमन जोगीले गोल गरे ।

खेलको छैटौँ मिनेटमा रेडहर्षले राम्रो आक्रमण बुने पनि फिनिसिङ गर्न सकेन । ३२औँ मिनेटमा विनोद धमलाले पाएको सुनौलो अवसर सदुपयोग गर्न सकेनन् भने ४०औँ मिनेटमा उनको प्रहार पथरीका गोलकिपर समीर क्षेत्रीले सहजै नियन्त्रणमा लिए । ५५औँ मिनेटमा सन्देश खड्का अर्को प्रहार चुक्यो ।

खेलको सुरु १९ औँ मिनेटमा कर्नरबाट आएको बलमा आशिष लावतीले हेडमार्फत दिशा दिन सकेनन् । २१औँ मिनेटमा रेडहर्षका विवेकले फल्ड गरेपछि मनोज राईको फ्रिकिक प्रहार आकाशियो । २५औँ मिनेटमा सचिन मगरको पुन फ्रिकिक प्रहार गोलमा परिणत हुन सकेन भने ३३ औँ मिनेटमा सविन मगरको हेडले जाली चुमेन । मध्यान्तरपछि दबाबमा देखिएको पथरी ११ ले लगातार आक्रमण सिर्जना ग-यो ।

खेलकोे ५०औँ मिनेटमा सविन मगरको उत्कृष्ट पासमा मनोज राईले बराबरी गोल गर्ने अवसरमा चुके । ७५औँ मिनेटमा सञ्जय लिम्बूले क्लोज रेन्जबाट गरेको प्रयास सफल हुन सकेन भने ७६औँ मिनेटमा आशिष लावतीको सशक्त प्रहार बारटच हुँदै बाहिरियो । ८०औँ मिनेटमा डिबक्स नजिकबाट पाएको अवसर पथरीले गुमायो । खेलको ‘म्यान अफ द म्याच’ पथरी ११ का आशिष लावती घोषित भए । आज फिदिम स्पोर्टिङ पाँचथर र रोलिङ एफसी झापा बिच खेल हुने आयोजकले जनाएको छ ।

प्रतियोगितामा आठ टोलीको सहभागिता रहेको छ । चित्लाङ फुटबल क्लब काठमाडौं, पथरी ११ मोरङ, रोलिङ एफसी झापा, फिदिम स्पोर्टिङ पाँचथर, सलेस फुटबल क्लब सर्लाही, मछिन्द्र फुटबल क्लब, एन पेनाङ मलेसिया र आयोजक रेडहर्ष फुटबल क्लब इलाम रहेका छन् । प्रतियोगिताको विजेताले १० लाख रुपैयाँ पाउनेछ भने उपविजेताले ५ लाख रुपैयाँ प्राप्त गर्नेछन् ।

सम्बन्धित समाचार

यू–१९ टेबल टेनिस टोली भारत प्रस्थान, धनगढीमा भव्य विदाइ फाप्ला क्रिकेट मैदान निर्माण हुन्छ : मन्त्री पोखरेल आइसीसी विश्वकप लिग २ को त्रिकोणात्मक शृङ्खला २५ अप्रिलबाट नेपालमा हुने ‘पोखरा ओपन एथलेटिक्स मिट’ शनिबारदेखि अन्तर्राष्ट्रिय चेसका निहाना श्रेष्ठलाई रजत पदक यु–१६ क्रिकेटः बैतडीमा निःशुल्क प्रशिक्षण प्रधानमन्त्री कपः आजको खेलमा गण्डकी प्रदेश विजयी महिला क्रिकेट टोली रुवान्डातर्फ प्रस्थान