पोखरा । पोखरा ८, जाल्पारोडका विभिन्न खाजाघरहरुमा अनैतिक क्रियाकलाप हुने गरेको गुनासोपछि कास्की प्रहरीले छापा मारेको छ ।

जिल्ला प्रहरी कार्यालय कास्कीबाट शनिबार राति खटिएको प्रहरी टोलीले उक्त ठाउँबाट ४ जनालाई पक्राउ गरेको छ । उनीहरुलाई मानव बेचबिखन तथा ओसारपसार मुद्दासमेत चलाइएको जिल्ला प्रहरी कार्यालय, कास्कीका निमित्त सूचना अधिकारी प्रहरी निरीक्षक गणेश पाण्डेले जानकारी दिए ।

घटना विवरण अनुसार, पोखराको व्यस्तबजार न्यूरोडको पश्चिमतर्फ रहेको जाल्पारोडमा विगतमा पनि यस्तै क्रियाकलाप हुने गरेको थियो । गत वर्ष पनि प्रहरीले छापा मारेर केही खाजाघरका संचालकलाई पक्राउ गरिएको थियो ।

पछिल्लो समय पनि त्यहाँ सञ्चालित केही खाजाघरहरुमा होहल्ला भई अनैतिक क्रियाकलाप हुने गरेको व्यापक गुनासो प्रहरीसमक्ष स्थानीयले गरेका थिए ।

प्रहरीले सोही सूचनाअनुसार अनुसन्धान गर्दा आर्थिक अवस्था कजोर भएका बालिकाहरुलाई विभिन्न प्रलोभन देखाइ खानबस्न सुविधासहित राम्रो तलबमा होटलमा काममा लगाइदिन्छु भनी सुरुमा काममा लगाउने र केही समयपछि होटलमा आउने पुरुषबाट रकम लिई जबर्जस्ती रात बिताउन लगाउने भेटिएको थियो ।

प्रहरीले सो स्थानबाट त्यस्ता पीडित २ जना बालिकाहरुको उद्धारसमेत गरिएको छ ।

घटनामा संलग्न रहेको आरोपमा पक्राउ पर्ने ४ जनामध्ये २ जनाको नाम गोप्य राखिएको छ । जसमा मोरङ जिल्लाको कसेरी स्थायी घर भई हाल पोखरा–१७ बस्ने २१ वर्षीया महिला (नाम परिवर्तित कास्की ६८), सिन्धुली जिल्ला स्थायी घर भई हाल पोखरा ८ मा खाजघर सञ्चालन गर्ने ३१ वर्षीया अर्की एक महिला (नाम परिवर्तित कास्की ६९), पोखरा २६, बूढीबजारका ५० वर्षीय विष्णुबहाुदर राजभाट र भारतको बिहान स्थायी घर भई हाल पोखरा ९, नयाँबजार बस्ने ३१ वर्षीय अमीर उल्ला मियाँ छन् । उनीहरुलाई कास्की जिल्ला अदालतबाट मानव बेचबिखन तथा ओसारपसार सम्बन्धी कसूरमा ५ दिनको म्याद थप गरी अनुसन्धान प्रक्रिया जारी रहेको जनाइएको छ ।

सम्बन्धित समाचार

सामान्य प्रशासन मन्त्रालयमा ‘गुनासो व्यवस्थापन केन्द्र’ स्थापना देशभरका विमानस्थलमा २४ घण्टाभित्र स्तनपान कक्ष स्थापना गर्न निर्देशन इँट्टाभट्टाको पर्खालले च्यापिएर एक मजदुरको मृत्यु टोखामा विस्केट जात्रा सुरु अब हुलाकका कुरियर ‘एक्सप्रेस वे’मार्फत, सार्वजनिक बिदाको दिन पनि सेवा देवचुलीमा एक पुरुष मृत फेला, महिला गम्भीर घाइते प्रधानमन्त्रीले बोलाए मन्त्रिपरिषद्को आकस्मिक बैठक पेट्रोलियम पदार्थ आयातमा ५० प्रतिशत भन्सार कर छुट दिने निर्णय