काठमाडौं । राधास्वामी सत्संग व्यास आश्रममा रहेका बालबालिकामध्ये ५२ जना बालबालिका आज (मंगलबार)देखि विद्यालय जाने भएका छन्।

काठमाडौं महानगरपालिकाको शिक्षा विभागले सोमबार विद्यार्थी र अभिभावकसँग परामर्श गरेर उनीहरूको रुचि र आवश्यकता पहिचान गरेपछि आजदेखि वडा नं. १४ मा रहेको जन विकास माध्यमिक विद्यालयमा पठाउन लागिएको हो। यो विद्यालय, बालबालिका रहेको ठाउँबाट पैदल दूरीमा छ।

नदी किनारामा अव्यवस्थित बसोबास गरिरहेका घर टहरा खाली गराउने क्रममा थापाथली, गैरीगाउँ र सिनामंगलसहित विभिन्न स्थानबाट ल्याइएका ६६ परिवारका २०३ जना अहिले राधास्वामी सत्संग आश्रममा छन्। उनीहरूमध्ये अपाङ्गता भएका एक जनासहित ६२ जना पुरुष, ३ सुत्केरी र २ गर्भवतीसहित ८० जना महिला, ३१ जना बालिका र ३० बालक रहेको महानगरले जनाएको छ।

यी परिवारमा रहेका बालबालिकामध्ये ५२ जना बालबालिका विद्यालय उमेरका छन्। चार जनाले यस वर्ष एसइई दिएका छन्।

सम्बन्धित समाचार

विद्यार्थीलाई अनिवार्य ४५ प्रतिशत गाडी भाडा छुट दिन सरकारको निर्देशन एक भारी घाँसका लागि बाबुछोरा नै कर्णालीमा बगेपछि… मप विश्वविद्यालयमा ‘बहुविषयगत अन्तरराष्ट्रिय सम्मेलन’ सुरु छोरीबुहारीलाई उच्च शिक्षामा सघाउँदै भीमदत्त नगरपालिका कक्षा १२ उत्तीर्णले निमावि लाइसेन्स पाउन कुन विषय पढेको हुनुपर्छ ? पहिचानको खोजीमा आठपहरिया समुदाय : आदिवासी जनजातिमा सूचीकरणको माग मधेसको खानेपानी सङ्कट समाधानमा संसदीय समितिको जोड सुकुमवासीलाई मध्यपुरथिमि र चाँगुनारायणका दुई ‘सेल्टर’मा आवास