लुम्बिनी । लुम्बिनी प्रदेशका मुख्यमन्त्री चेतनारायण आचार्यले मानव अधिकार संरक्षण गर्न राष्ट्रिय मानव अधिकार आयोग सधैँ चनाखो र सक्रिय हुनुपर्ने बताएका छन् ।

राष्ट्रिय मानव अधिकार आयोगको २६औँ वार्षिकोत्सवका अवसरमा आज राप्ती उपत्यका (देउखुरी)मा आयोजित कार्यक्रममा उनले मानव अधिकार संरक्षणको सुनिश्चितताको वातावरण घरबाटै सुरु हुनुपर्नेमा जोड दिए ।

मुख्यमन्त्री आचार्यले समाज सुधार आवश्यक रहेको उल्लेख गर्दै राज्यलाई मानव अधिकारप्रति जिम्मेवार बनाउनुपर्नेमा जोड दिए ।

मुख्यमन्त्री आचार्यले भने’ फरक राजनीतिक विचार राखेकै आधारमा व्यक्तिगत सम्पत्तिहरूमा क्षति पुर्‍याइनु हुन्न । विस्थापित सुकुम्वासी राखिएका ‘होल्डिङ सेन्टर’को अवस्था’bout पनि आयोगले अनुगमन गर्न आवश्यक छ । ‘

कार्यक्रममा सभामुख तुलाराम घर्तिमगरले दृष्टिकोण र सोचकै समस्या कारण मानव अधिकार हननका घटना भइरहेको बताए । उनले आत्मसमीक्षा आवश्यक रहेको उल्लेख गर्दै मानव अधिकार हनन रोक्न सबै पक्ष जिम्मेवार बन्नुपर्ने धारणा राखे ।

राष्ट्रिय मानव अधिकार आयोग प्रदेश कार्यालयका प्रमुख सन्तोष आचार्यको अध्यक्षता भएको कार्यक्रममा प्रमुख सचिव कृष्णप्रसाद काप्री, राप्ती गाउँपालिकाकी उपाध्यक्ष कमलापती चौधरी, गैरसरकारी संस्था महासङ्घ लुम्बिनीका अध्यक्ष जीतकुमारी बेल्वासे, सेवाग्राही केशव पोख्रेललगायतले मन्तव्य राखे ।

आयोगले लुम्बिनी प्रदेशमा ५० वटा उजुरीमाथि अनुसन्धान सम्पन्न गरेको जनाएको छ । यस अवधिमा १७ वटा विषयमा अनुगमन तथा सात वटा प्रवर्द्धनात्मक कार्यक्रम सञ्चालन गरिएको जानकारी दिइएको थियो ।

सम्बन्धित समाचार

कोहलपुरमा अतिक्रमण गरिएका सात सय घरटहरा हटाइए पर्यटकीय गन्तव्य बन्दै च्यामा गाउँ योग समितिमा पुनः डा भट्टराई निर्वाचित लुम्बिनी प्रदेश सरकारको नीति तथा कार्यक्रम प्रस्तुत प्रजनन स्वास्थ्यमा कानुनी अड्चन हटाउन सरोकारवालाको जोड मुक्त घोषित कृषि बँधुवा मजदुरलगायतका पुनःस्थापना निष्कर्षमा पुर्‍याउन आग्रह बुद्ध एयरको नेपालगञ्ज-पोखरा उडान स्थगन चिकित्सक सङ्घको सम्मेलन जेठ १६ र १७ मा