धनगढी । कैलालीको धनगढीमा प्रतिबन्धित प्लास्टिकजन्य सामग्री बरामद गरिएको छ । धनगढी उपमहानगरपालिकाले प्रतिबन्ध लगाएका करिब २७ लाख ७२ हजार रुपैयाँ बराबरका सामग्री बरामद गरिएको हो ।

जिल्ला प्रहरी कार्यालय कैलालीका प्रहरी निरीक्षक कैलाश बिष्टका अनुसार धनगढी उपमहानगरपालिका–४ मा गणेश ओझाले सञ्चालन गरेको कौशल ट्रेडर्स एण्ड सप्लायर्सको गोदाममा खानतलासी गरेर ती सामग्री बरामद गरिएको हो ।

वडा प्रहरी कार्यालय धनगढी, सशस्त्र प्रहरी बल नेपाल नं. ३४ गण धनगढी, नगर प्रहरी, धनगढी उपमहानगरपालिका र भन्सार कार्यालयको संयुक्त टोलीले गोदाममा छापा हानेको थियो ।

छापाको क्रममा प्लास्टिकका झोला, कप, कचौरा, थाल, चम्चा, गिलासलगायतका ५२८ बोरा र ४ कार्टुन सामान बरामद गरिएको प्रहरीले जनाएको छ ।

बरामद गरिएका सबै सामग्री आवश्यक कारबाहीका लागि धनगढी उपमहानगरपालिकामा बुझाइएको छ ।

सम्बन्धित समाचार

आफ्नै जिल्लामा बजेटको वर्षा, सुदूरपश्चिम सरकारमाथि स्रोत–साधन दुरुपयोगको आरोप कञ्चनपुरमा ७१ जना फरार कैदीबन्दी पक्राउ उग्रतारा–मेलौली सडक कालोपत्रेले बदल्यो अजयमेरुको चमडा टीकापुर उद्यानमा पर्यटकको आकर्षण सुदूरपश्चिममा बजेट विवाद : उत्कर्षमा मुख्यमन्त्री शाहद्वारा एमालेका चार मन्त्री बर्खास्त दुई वर्षपछि घर फर्किइन् बन्दना, निसर्ग अस्पतालले गर्‍यो ३१ लाख ५७ हजार उपचार खर्च मिनाहा अल्पमतका मुख्यमन्त्री शाहका निर्णायक २७ दिन ‘डिजिटल’ पहिचान प्रणालीप्रति नागरिकको आकर्षण बढ्दै