गण्डकी । पहिराका कारण अवरूद्ध बनेको कालीगण्डकी करिडोरको बागलुङ खण्डमा आठ दिनपछि यातायात सेवा सञ्चालन भएको छ । सो सडकखण्डमा एकतर्फीरुपमा यातायात सञ्चालनमा आएको हो ।

बागलुङको जैमिनी नगरपालिका–८ छिस्तीको चौरीखोला पुलनजिकै सडक माथिबाट खसेको पहिराका कारण यही १ साउनदेखि करिडोर अवरूद्ध भएको थियो ।

दुई वटा लोडर र एउटा स्काभेटर प्रयोग गरेर पहिरो पन्छाएपछि शुक्रबारदेखि खडक एकतर्फी रूपमा सञ्चालनमा आएको सडक डिभिजन कार्यालय, बागलुङका प्रमुख हरि सुवेदीले जानकारी दिए ।