धनगढी । सुदूरपश्चिम प्रदेशमा पहिलो पटक धनगढी उपमहानगरपालिकाबाट भूमि प्रशासन सेवा सुरु भएको छ । उपमहानगरपालिकाले भूमि व्यवस्थापन शाखा स्थापना गरेर चालु आर्थिक वर्षदेखि नापनक्सा, जग्गा लिखत पास र राजस्व संकलन लगायतका सेवा सञ्चालनमा ल्याएको हो ।

यसअघि यी सेवाहरू भूमि सुधार, मालपोत र नापी कार्यालयबाट प्रदान हुँदै आएका थिए । अब ती सबै सेवा उपमहानगरपालिकाको भूमि व्यवस्थापन शाखाबाटै नियमित रूपमा उपलब्ध हुने धनगढी उपमहानगरपालिकाले जनाएको छ ।

उपमहानगरपालिकाका भूमि व्यवस्थापन शाखा प्रमुख भुवन शाहीका अनुसार यससँगै सुदूरपश्चिमका ९ जिल्लामा रहेका ८८ स्थानीय तहमध्ये भूमि प्रशासनसम्बन्धी सेवा आफैँ सञ्चालन गर्ने धनगढी उपमहानगरपालिका पहिलो र हालसम्मको एकमात्र स्थानीय तह बनेको छ ।

सेवा विकेन्द्रीकरण भएसँगै अब धनगढी उपमहानगरपालिकामा १९ वटै वडाका सेवाग्राहीले भूमि प्रशासनका लागि जिल्लाका भूमि सुधार, मालपोत र नापी कार्यालय धाउनुपर्ने झन्झट हटेको बताइएको छ ।

सम्बन्धित समाचार

सुदूरपश्चिम प्रदेशको ३३ अर्ब ४३ करोडको बजेटमध्ये २० अर्ब ८३ करोड मात्रै खर्च भागेश्वरको बगरकोट अगाडिसम्म सडक कालोपत्रे आईसीयू शय्या नपाउँदा सेती अस्पतालमा ७२ वर्षीय वृद्धको मृत्यु च्याउ खोज्न जंगल गएका १४ महिला बेपत्ता कञ्चनपुरमा च्याउ खोज्न जाँदा सम्पर्कविहीन भएका सबै महिला सकुशल फेला धनगढीमा २७ लाखभन्दा बढीको प्रतिबन्धित प्लास्टिकजन्य सामग्री बरामद डडेल्धुरा अस्पतालमा अनियमितताको आरोप डडेल्धुराको सडक सीमा विवाद समाधानउन्मुख