काठमाडौं । चितवनका विभिन्न स्थानबाट साउन महिनामा ५७ जना जुवाडे पक्राउ परेका छन्। उनीहरूबाट रु आठ लाख ३८ हजार ६४५ नगदसमेत बरामद गरिएको छ।

जिल्लाका विभिन्न पाँच स्थानबाट उनीहरूलाई पक्राउ गरिएको जिल्ला प्रहरी कार्यालयका सूचना अधिकारी प्रहरी नायब उपरीक्षक चन्द्रभुसन यादवले जानकारी दिए।

पक्राउ परेका सबैलाई जुवा कसुरअन्तर्गत कारबाहीका लागि अनुसन्धान भइरहेको छ। कतिपय मुद्दा अनुसन्धान सकेर जिल्ला प्रशासन कार्यालय पठाइसकिएको यादवले बताए ।

कार्यालयले गत आर्थिक वर्षमा १०१ जना जुवाडे पक्राउ गरी कारबाही गरेको थियो। उनीहरूबाट रु १२ लाख नौ हजार ३६५ बरामद गरिएको थियो। उनीहरूलाई समेत जुवा कसुरमा कारबाही गरिएको थियो। पछिल्लो समय जुवा खेल्ने स्थानमा प्रहरीले खोजतलास बढाएको छ।

सम्बन्धित समाचार

सम्पत्ति शुद्धीकरण विभागद्वारा सात मुद्दा दायर, एक खर्ब १८ अर्ब रुपैयाँ बिगो दाबी अतिक्रमित जग्गा खोज्दै गुठी संस्थान एक वर्षमा मिटरब्याज सम्बन्धी २८७ वटा उजुरी सुनसरी तनावग्रस्त : झडपपछि एक जनाको मृत्यु, पाँच स्थानमा अनिश्चितकालीन कर्फ्यु नेप्सेको सीईओ खुला प्रतिस्पर्धाबाट गर्न आवेदन माग शुक्लाफाँटामा बाघको सङ्ख्या ५० पुग्यो राष्ट्रपतिद्वारा प्रमुख निर्वाचन आयुक्त र आयुक्त नियुक्त थाइल्यान्डबाट ११ किलो गाँजा बोकेर आएका तीन जना भारतीय नागरिक पक्राउ