पोखरा । कास्कीको पर्यटकीय गन्तव्य मर्दी हिमाल पदयात्रामा निस्किएका पोखराका ३ जना युवक सम्पर्कविहीन भएका छन् । माछापुच्छ्रे गाउँपालिका ९ स्थित बादलडाँडा क्षेत्रको जंगलमा उनीहरु सम्कर्प विहीन भएका हुन् ।

बाटो बिराएर अलपत्र परेको हुन सक्ने प्रहरीले जनाएको छ । कास्की प्रहरीका सूचना अधिकारी तथा डिएसपी विरेन्द्र पासवानका अनुसार उनीहरु बुधबार बिहान ८ बजेसम्म सम्पर्कमा थिए । ‘बिहान ८ बजेतिर सम्पर्क भएको र त्यसपछि सम्पर्कमा नरहेको भन्ने बुझिएको छ,’ उनले भने, ‘उनीहरुको मोबाइल अफ भएको छ । उक्त क्षेत्रमा नेटवर्कले पनि राम्रो काम नगर्ने हुँदा लोकेसन ट्रयाक गर्न समस्या भएको छ ।’

पोखरा १४ खसिबजार बस्ने २४ वर्षीय अजित जिसी, २३ वर्षीय युकेश गुरुङ र २३ वर्षकै दिपेश गुरुङ सम्पर्क विहीन भएका हुन् । उनीहरु हराएको सूचना बिहान ११ बजे पाएको र तत्कालै प्रहरी टोली परिचालन गरिएको पासवानले बताए ।

प्रहरीसँगै स्थानीय व्यवसायीको टोली पनि खोजीमा लागेको छ ।

सम्बन्धित समाचार

अन्तरराष्ट्रिय उडान आकर्षित गर्न पोखरा विमानस्थलमा छुट रुपा गाउँपालिकाको कृषि तथा पशु सेवा शाखा भवन उद्घाटन नेपालगञ्जमा एकै दिन छ शालिक अनावरण ‘कञ्चन पत्रकारिता पुरस्कार’ सारूमगर र जिटीलाई लमजुङमा पहिरोले धन्सार पुरिँदा एकै परिवारका चारजना घाइते ‘घुम्ने संस्कृतिले आन्तरिक पर्यटनमा टेवा’ पहिरोले बेनी-जोमसोम सडक अवरुद्ध बिक्रेतालाई ग्यास सञ्चित गरेर नराख्न आग्रह