काठमाडौं । नापी कार्यालय काठमाडौंका नायव सुब्बा (सर्भेक्षक) पदमा कार्यरत विन्देश्वर साह सुडीले वैधानिक आम्दानीभन्दा ३ करोड ७१ लाख ८४ हजार ५ सय ५१ रुपैयाँ ८० पैसा बढी खर्च तथा लगानी गरेको पाइएको भन्दै अख्तियार दुरुपयोग अनुसन्धान आयोगले उनीविरुद्ध भ्रष्टाचार मुद्दा दायर गरेको छ ।

नापीका सुब्बाविरुद्ध अख्तियारले हाल्यो मुद्दा

आयोगले सुडीले सरकारी सेवामा प्रवेश गरेदेखि लामो अवधिमा आर्जन गरेको वैध आम्दानीको तुलनामा खर्च तथा लगानी अस्वाभाविक रूपमा बढी देखिएको भन्दै स्रोत नखुलेको रकमलाई गैरकानुनी सम्पत्ति ठहर गरेको हो । आयोगले गैरकानुनी सम्पत्ति जफत, बिगोबमोजिम जरिमाना तथा कैद सजायको मागदाबी गर्दै विशेष अदालत काठमाडौंमा मुद्दा दायर गरेको छ ।

आयोगका अनुसार सुडीले १६ बैशाख, २०४६ मा अमिन पदमा अस्थायी नियुक्ति लिएदेखि ३२ जेठ, २०८१ सम्मको अवधिलाई सम्पत्ति जाँचको अवधि कायम गरिएको थियो । अनुसन्धानबाट उक्त अवधिमा सुडी र उनको एकासगोल परिवारको कुल वैधानिक आय ६ करोड ३ लाख ८५ हजार ३० रुपैयाँ १५ पैसा रहेको खुलेको छ ।

तर सोही अवधिमा सुडी र उनको परिवारले जग्गा तथा शेयर खरिद, सवारीसाधन खरिद, बीमा प्रिमियम, अध्ययन खर्च, ऋण भुक्तानी, बैंक मौज्दात तथा विभिन्न क्षेत्रमा गरेको लगानीसहित ९ करोड ७५ लाख ६९ हजार ५ सय ८१ रुपैयाँ ९५ पैसा खर्च तथा लगानी गरेको आयोगले जनाएको छ ।

वैधानिक आम्दानीको तुलनामा खर्च तथा लगानी ३ करोड ७१ लाख ८४ हजार ५ सय ५१ रुपैयाँ ८० पैसा बढी देखिएपछि उक्त रकमलाई गैरकानुनी सम्पत्ति आर्जनको बिगो कायम गरी मुद्दा दायर गरिएको आयोगका प्रवक्ता सुरेश न्यौपानेले जानकारी दिए ।

आयोगको अनुसन्धानअनुसार सुडी र उनको परिवारको वैधानिक आम्दानीमा पारिश्रमिक तथा विभिन्न भत्ता, घरजग्गा बिक्री, शेयर कारोबार, कृषि आय, बीमा परिपक्वताबाट प्राप्त रकम, ऋण तथा सापटी फिर्ता र सुन बिक्रीबाट प्राप्त रकमलगायत समावेश छन् ।

यी विभिन्न स्रोतबाट ६ करोड ३ लाख ८५ हजार ३० रुपैयाँ १५ पैसा आम्दानी देखिए पनि खर्च तथा लगानी करिब ९ करोड ७६ लाख रुपैयाँ पुगेको आयोगको निष्कर्ष छ । आयभन्दा खर्च तथा लगानी करिब ३ करोड ७२ लाख रुपैयाँ बढी देखिनुलाई आयोगले गैरकानुनी सम्पत्ति आर्जनको मुख्य आधार मानेको छ ।

आयोगको अनुसन्धानमा सुडीले सार्वजनिक पदमा रहँदा आर्जन गरेको भनिएको सम्पत्तिबाट आफ्नी श्रीमती सुमिन्द्रा देवी साहको नाममा समेत सम्पत्ति खरिद तथा लगानी गरेको पाइएको छ ।

स्रोत नखुलेको सम्पत्तिबाट श्रीमतीको नाममा खरिद तथा लगानी गरिएको देखिएपछि आयोगले सुमिन्द्रा देवी साहलाई समेत प्रतिवादी कायम गरेको छ । आयोगले गैरकानुनी सम्पत्तिबाट श्रीमतीको नाममा राखिएको तथा लगानी गरिएको सम्पत्तिसमेत प्रचलित कानुनबमोजिम जफत गर्न माग गरेको छ ।

आयोगका अनुसार गैरकानुनी सम्पत्ति आर्जन गर्ने मुख्य व्यक्ति सुडी भए पनि त्यस्तो सम्पत्ति लुकाउने, राख्ने वा उपयोग गर्ने प्रयोजनमा परिवारका सदस्यको नाम प्रयोग गरिएको अवस्थामा त्यस्तो सम्पत्ति जफत गर्ने कानुनी व्यवस्था छ । सोही आधारमा श्रीमतीलाई समेत प्रतिवादी बनाइएको आयोगले जनाएको छ ।

आयोगले सुडीमाथि गैरकानुनी सम्पत्ति आर्जनको आरोपसँगै सम्पत्तिको वास्तविक विवरण नदिई झुट्टा विवरण पेस गरेको आरोपसमेत लगाएको छ ।

सार्वजनिक पद धारण गर्ने कर्मचारीले आफ्नो तथा परिवारको नाममा रहेको सम्पत्तिको विवरण सम्बन्धित निकायमा पेस गर्नुपर्ने कानुनी व्यवस्था भए पनि अनुसन्धानका क्रममा वास्तविक सम्पत्ति र पेस गरिएको विवरणबीच असंगति देखिएको आयोगको दाबी छ । त्यसैले गैरकानुनी सम्पत्ति आर्जनसँगै झुट्टा विवरण पेस गरेको कसुरमा समेत थप सजायको माग गरिएको छ ।

आयोगले सुडीले गैरकानुनी रूपमा आर्जन गरेको दाबी गरेको ३ करोड ७१ लाख ८४ हजार ५ सय ५१ रुपैयाँ ८० पैसा बिगो कायम गरेको छ । दोषी ठहर भएमा बिगो असुल, जरिमाना तथा कैद सजाय गर्न र गैरकानुनी सम्पत्तिबाट श्रीमतीको नाममा राखिएको सम्पत्ति जफत गर्न आयोगले माग गरेको छ ।

सम्बन्धित समाचार

बोडेस्थित सुकुमवासी होल्डिङ सेन्टरमा झुन्डिएको अवस्थामा एक जना मृत फेला जाजरकोटको रिसाङ पहिरोमा परी आमा छोरा बेपत्ता, सात घाइते सुरु भयो मिथिलामा झुलनोत्सव नदीमा डुबेर बेपत्ता ३ बालबालिकामध्ये २ जनाको शव फेला जटिल अवस्थामा रहेकी गर्भवतीसहित दुई जनाको हवाई उद्धार जनआस्था साप्ताहिकका सम्पादक किशोर श्रेष्ठ पक्राउ कांग्रेसको वैधानिक सभापति देउवा नै हुन् : डा. कोइराला उत्तर कोरियाले दियो ‘नयाँ प्रतिरोध’ को चेतावनी