राजविराज । कानुन व्यवसायीहरुको साझा संगठन राजविराज उच्च अदालत बार एशोसिएसनको भदौ २७ गते शनिबार चुनाव हुँदैछ । २२ पदका लागि हुन लागेको निर्वाचनमा ४३ जना उम्मेदवार चुनावी मैदानमा छन् ।
बृहत प्रजातान्त्रिक समूह (डिएलए) ले अधिवक्ता नविन सिंहको नेतृत्वमा तथा बृहत गणतान्त्रिक, लोकतान्त्रिक र प्रगतिशील समूहले बलराम सिंहको नेतृत्वमा प्यानल सहित उम्मेदवार उतारेको छ ।
चुनावी मैदानमा अध्यक्ष पदमा अधिवक्ता देव बहादुर कटुवालले समेत स्वतन्त्र रुपमा उम्मेदवारी दिएर पुराशक्ति लगाएका छन् । उनले पनि आफ्नो स्पेस बढाउँदै लगेका हुन् । जसकारण विगतमा हुँदै आएको दुई समूह बीचको प्रतिस्पर्धा यसपल्ट त्रिपक्षीय प्रतिस्पर्धामा परिणत भएको हो ।
अध्यक्ष पदको तीनवटै उम्मेदवार कानुन व्यवसायी माझ निकै लोकप्रिय भएकाले बाजी कसले मार्ला ? भन्न कठिन भएको कानुन व्यवसायीहरू बताउँछन् ।
अघिल्लो निर्वाचनमा यहाँ बृहत प्रजातान्त्रिक समूहका हरेराम यादवले अध्यक्ष पदमा बाजी मारेका थिए । अध्यक्षसहित कार्यसमितिका १३ तथा ९ केन्द्रीय पार्षदका लागि हुने निर्वाचनमा दुई समूह प्यानल सहित तथा एक जना स्वतन्त्र उम्मेदवारका रुपमा चुनावी मैदानमा छन् ।
बृहत प्रजातान्त्रिक समूहको तर्फबाट अध्यक्ष पदमा नवीन सिंह, उपाध्यक्षमा उमाशंकर देव, सचिवमा रामकुमार यादव, सहसचिवमा सुनिता कुमारी दास र कोषाध्यक्षमा उपेन्द्र यादव छन् । यस्तै सदस्यमा सुरेन्द्र प्रसाद यादव, प्रकाश कुमार यादव, डा. शिवनारायण यादव, बीपी कोइराला, सञ्जीव कुमार यादव, दिलिप यादव, मिथलेशचन्द्र लाभ र दिनेश कुमार सिंह चुनावी मैदानमा छन् । सोही प्यानलबाट केन्द्रीय पार्षदमा सुधा देव, गुञ्जेश्वर प्रसाद यादव, नारायण प्रसाद साह, डा. देवनारायण यादव, अशोक कुमार झा, नित्यदेव प्रसाद यादव, धीरेन्द्र प्रसाद यादव, बलवीर चौधरी र डा सन्तोष कुमार चमन यादव चुनावी मैदानमा छन् ।
बलराम सिंह अध्यक्ष पदको उम्मेदवार रहेको बृहत गणतान्त्रिक, लोकतान्त्रिक प्रगतिशील समूहको तर्फबाट उपाध्यक्षमा विनोद पाण्डे, सचिवमा पार्वती जोशी थारु,सहसचिवमा अस्मिता थापा र कोषाध्यक्षमा भोगीलाल यादवले उम्मेदवारी दिएका छन् ।
सो प्यानलबाट सदस्य पदमा रामप्रसाद यादव, सतीश कुमार दत्त, बालकृष्ण कार्की, भागवत यादव, रामनारायण चौधरी, सन्तोष कुमार चौधरी र राजकुमार साह चुनावी मैदानमा छन् ।
उक्त प्यानलबाट केन्द्रीय पार्षदमा श्याम कुमार पोखरेल, श्यामकान्त चौधरी, मनोज देव, बालकृष्ण ढुङ्गाना, कौशल किशोर दत्त, सत्यनारायण साह र अजय कुमार चौधरी चुनावी मैदानमा छन्
उक्त प्यानलबाट सदस्य पदका उम्मेदवार रहेका चन्द्रकान्त यादव र केन्द्रीय पार्षदका उम्मेदवार रहेका डा.हेमकुमार मिश्रले भने उम्मेदवारी फिर्ता लिएको निर्वाचन समितिका संयोजक धर्मेन्द्र यादवले जानकारी दिए । यसैबीच बृहत् प्रजातान्त्रिक समूहको तर्फबाट सदस्य पदका उम्मेदवार रहेका दिलीप यादवले आफू बलराम सिंह नेतृत्वको बृहत गणतान्त्रिक, लोकतान्त्रिक प्रगतिशील समूहलाई समर्थन गरेको प्रेस विज्ञप्ति मार्फत जनाएका छन् ।
दुई वर्ष कार्यकालका लागि हुने बार एसोसिएसनको निर्वाचनमा कुल २१७ मतदाता रहेको निर्वाचन समितिले जनाएको छ ।
सम्बन्धित समाचार
चिल्ड्रेनको गज्जबको बहस
युरोपमा तापक्रम वृद्धिले लगातार रेकर्ड तोड्दै
धार्मिक पर्यटकीय गन्तव्य बन्दै राक्सिराङको सीता अशोक बाटिका
नेपाल प्रहरी विशेष सुरक्षा गणमा दुर्गा मन्दिरको उद्घाटन
चोरीको मोटरसाइकल शाखा अधिकृतको घरबाट बरामद
सालपा पोखरी मेलामा कुटपिटवाट शिक्षकको हत्या, ११ जना पक्राउ
भोटेकोशी बाढी: २६१ पर्यटकको उद्धार, ३२० अझै सम्पर्कविहीन
