बागलुङ । जिल्लाको निसीखोला गाउँपालिका–३ बोहरागाउँमा सडक निर्माणका क्रममा अचानक माटोको ढिस्को खस्दा दुई जनाको मृत्यु भएको छ भने अर्का एक मजदुरको घाइते अवस्थामा उद्धार गरिएको छ ।

आज बिहान करिब ७ः३० बजेको समयमा काप्रा–बोहरागाउँ–छापाखानी प्यूठान सडकखण्ड निर्माणका क्रममा काम गरिरहेका सल्यानका २८ वर्षीय लालबहादुर बुढाथोकी र उदयपुर गाईघाटका ३२ वर्षीय राजु थापाको मृत्यु भएको जिल्ला प्रहरी कार्यालयका प्रमुख प्रहरी उपरीक्षक फडिन्द्र प्रसाईंले जानकारी दिए ।

पुरिएकामध्ये दुई जनाको उद्धार गर्ने क्रममा घटनास्थलमा नै मृत्यु भएको छ भने रोल्पाका कृष्ण घर्ती मगरलाई गम्भीर घाइते अवस्थामा उद्धार गरी अस्पताल पु¥याइएको छ ।

घाइतेको उपचारका लागि प्रादेशिक अस्पताल बुर्तिबाङ लगिएको निसीखोला गाउँपालिका–३ का वडाअध्यक्ष रमेशविक्रम शाहीले जानकारी दिए । चालक भद्र मल्लले चलाएको लु१क ३४४६ नम्बरको जेसिबीले बाटो स्तरोन्नति गर्ने क्रममा अचानक माटोको ढिस्को खस्दा काम गरिरहेका मजदुर पुरिएका थिए ।

सम्बन्धित समाचार

त्रिपुरेश्वर बस आगलागी : खुल्यो मृतकको पहिचान, अन्य व्यक्तिको नाममा जारी भएको सवारीचालक अनुमतिपत्र प्रयोग भारी वर्षाको प्रक्षेपणपछि काभ्रेका विद्यालय तथा सार्वजनिक स्थलमा माइकिङ काठमाडौंसहित देशभर बिहानैदेखि वर्षा रसुवा बाढी अपडेट : १ हजार ४५३ जनाको शव फेला, अझै ४ हजार ७१८ बेपत्ता सोह्र श्राद्ध सुरु, यस्तो छ शास्त्रीय मान्यता सम्पर्कविहीन दशै जना जडीबुटी संकलक आए सम्पर्कमा गलकोटमा दैवी विपत्ति, ६३ घरमा क्षति दसैँका लागि काठमाडौं उपत्यकाबाट घर फर्किन थाले यात्रु