काठमाडौं । बुढानिलकण्ठ नगरपालिका–२ माथिल्लो भंगालबाट २१ किलो ७ सय ५० ग्राम ६ सय ८० मिलिग्राम तौल बराबरको सुनसहित ३ जना चिनियाँ नागरिकहरूलाई बिहीबार प्रहरीले पक्राउ गरेको छ । पक्राउ पर्नेहरूमा बुढानिलकण्ठ नगरपालिका-२ माथिल्लो भंगाल बस्ने २७ वर्षीय HAN FEI, ४७ वर्षीय ZHOU LONGQIN र ३७ वर्षीय WANG JIANZHEN रहेका छन् ।

उक्त स्थानमा चिनियाँ नागरिकहरूले घर भाडामा लिई अवैध रूपमा सुनको कारोबार तथा ओसारपसार गर्ने गरेको भन्ने सूचनाको आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उनीहरूलाई पक्राउ गरेको हो ।

साथै प्रहरीले उनीहरूको साथबाट नेपाली तथा विदेशी मुद्राहरू, ओसारपसारमा प्रयोग भएको गाडी, सुन प्रशोधनमा प्रयोग हुने मेसिन र उपकरणहरू तथा कागजातहरू समेत बरामद गरेको छ ।

यस सम्बन्धमा थप अनुसन्धान भइरहेको प्रहरीले जनाएको छ ।

सम्बन्धित समाचार

नारायणी किनार कहर : नगरपालिका बनाउँछ, नदी बगाउँछ जलवायु परिवर्तनले सीमा चिन्दैन, हिमनदी र बाढी पासपोर्टमा भिसा लगाएर यात्रा गर्दैनन् : प्रधानमन्त्री शाह (सम्बोधनको पूर्णपाठ) च्यासलस्थित एमाले कार्यालय क्षेत्र पुगे गृहमन्त्री गुरुङ रोशी खोलाको जलसतहले खतराको तह पार गर्‍यो मध्यराति नियन्त्रणमा लिएर ११ घन्टापछि पूर्वप्रधानन्यायाधीश राणालाई छाडियो चार दिनको झरीपछि खुल्यो काठमाडौंको आकाश, वर्षाको गतिविधि क्रमशः घट्दै संघीय संसद्का दुवै सदनको बैठक बस्दै, यस्ता छन् सम्भावित कार्यसूची सुनचाँदीको मूल्यमा व्यापक गिरावट, कतिमा भइराखेको छ कारोबार ?