काठमाडौँ । लगातार चार दिनदेखि भइरहेको वर्षापछि काठमाडौँ उपत्यकाको मौसम आइतबार दिउँसोदेखि क्रमशः सुधार हुन थालेको छ। उपत्यकाको आकाश खुलेसँगै घाम लाग्न थालेको छ।

भारतको उत्तर प्रदेश आसपास विकसित न्यूनचापीय क्षेत्र कमजोर हुँदै गएपछि नेपालमा वर्षाको गतिविधि पनि क्रमशः घट्दै गएको मौसम पूर्वानुमान महाशाखाले जनाएको छ।

महाशाखाका अनुसार उक्त न्यूनचापीय प्रणाली नेपालको लुम्बिनी र सुदूरपश्चिम प्रदेशको दक्षिणी भूभागतर्फ रहेकाले पछिल्ला दिनमा ती क्षेत्रमा वर्षाको गतिविधि बढी केन्द्रित भएको थियो।

न्यूनचापीय क्षेत्र कमजोर भएसँगै काठमाडौँसहित बागमती प्रदेशमा मनसुनी गतिविधि पनि केही कमजोर भएको छ। यसअघि बंगालको खाडीबाट जलवाष्प बोकेको हावा नेपालको मध्य भूभागतर्फ केन्द्रित हुँदा वर्षाको गतिविधि बढेको थियो।

एक-दुई स्थानमा भारी वर्षाको सम्भावना
न्यूनचापीय प्रणाली कमजोर भए पनि त्यसको प्रभाव पूर्ण रूपमा हटिनसकेकाले आइतबार देशका विभिन्न भूभागमा वर्षा हुने सम्भावना रहेको महाशाखाले जनाएको छ।

दिउँसो विभिन्न स्थानमा वर्षा भए पनि एक–दुई स्थानमा मात्र भारी वर्षा हुन सक्ने पूर्वानुमान गरिएको छ। कमजोर हुँदै गएको न्यूनचापीय प्रणालीको बाँकी प्रभावका कारण केही क्षेत्रमा वर्षाको गतिविधि जारी रहने जनाइएको छ।

महाशाखाका अनुसार आगामी समयमा न्यूनचापीय प्रणाली थप कमजोर हुँदै गएसँगै वर्षाको गतिविधिमा पनि क्रमशः कमी आउनेछ। काठमाडौँ उपत्यकामा भने लगातारको झरीपछि आइतबारदेखि मौसममा सुधारको संकेत देखिएको छ।

सम्बन्धित समाचार

भिडियो निर्माणदेखि विज्ञापन व्यवस्थापन र उपभोक्ता प्रतिक्रिया विश्लेषणसम्म एउटै प्लेटफर्ममा हिमालय एयरलाइन्सका कर्मचारीद्वारा बाढीपीडितका लागि संकलित रकम हस्तान्तरण प्रसुती विदा ६ महिना पुर्‍याउन जोड प्रसुति हिंसा न्यूनीकरणकालागि कानुन निर्माणमा जोड तीन अवस्थाबाहेक पक्राउ परेकालाई हत्कडी नलगाउन सर्वोच्चको आदेश प्रधानमन्त्री शाह अमेरिकाको न्युयोर्क प्रस्थान बाढीबाट मृत्यु भएकाको डिएनए जाँचमा चिनियाँ प्रविधि र वैज्ञानिकको सफलता संविधानविद् विपिन अधिकारी भन्छन्- चोलेन्द्रशमशेरलाई पक्राउ गर्नुको कारण गृहमन्त्रीले जवाफ दिनुपर्छ