काठमाडौं । तेस्रो संस्करणको नेपाल प्रिमियर लिग (एनपीएल) क्रिकेट प्रतियोगितामा आज दुईवटा खेल हुँदै छन् ।
पहिलो खेल विराटनगर किंग्स र चितवन राइनोज तथा दोस्रो खेलमा जनकपुर बोल्ट्स र कर्णाली याक्सबीच प्रतिस्पर्धा हुनेछ ।
नेपाल क्रिकेट संघ (क्यान)का अनुसार आज विराटनगर र चितवनबीचको खेल मध्याह्न १२ः३० तथा जनकपुर र कर्णालीबीचको खेल अपराह्न ५ बजेदेखि सुरु हुनेछ ।
हालसम्म ती चार टोलीमध्ये जनकपुरले मात्र उपाधि जित्न सकेको छ । सो टिम यसपालि पहिलो सिजनको इतिहास दोहो¥याउने लक्ष्यमा छ ।
अर्कातर्फ कर्णाली पनि पहिलो उपाधिको खोजीमा छ । आजै हुने पहिलो खेलमा प्रतिस्पर्धा गर्ने चितवन र विराटनगर पनि उपाधि हात पार्ने उद्देश्यले मैदानमा उत्रँदै छन् ।
यस पटकको एनपीएलमा केही नयाँ सुविधा थपिएका छन् । पहिलोपटक एनपीएलमा ‘डिसिजन रिभ्यु सिस्टम’ (डीआरएस)को व्यवस्था गरिएको छ ।
यस्तै, अन्तरराष्ट्रिय क्रिकेट परिषद् (आईसीसी)ले पहिलोपटक एनपीएललाई अन्तरराष्ट्रिय मान्यता प्रदान गरेको छ । नेपाल क्रिकेट संघ (क्यान)ले पुरस्कार राशि पनि वृद्धि गरेको छ ।
प्रतियोगितामा उपाधि विजेता टोलीले एक करोड ५० लाख रुपैयाँ प्राप्त गर्नेछ । यस्तै, उपविजेता टोलीलाई ८० लाख रुपैयाँ प्रदान गरिने क्यानले जनाएको छ ।
सम्बन्धित समाचार
राष्ट्रिय फुटबलर विमल घर्ती मगरद्वारा सन्न्यासको घोषणा
पाकिस्तानका कप्तान फरहानले कर्णाली याक्सबाट एनपीएल खेल्ने
आजदेखि एनपीएल, प्रधानमन्त्रीले दिए शुभकामना
लुम्बिनी लायन्सले सुदूरपश्चिम रोयल्सलाई ७ विकेटले हरायो
नियामकको स्वीकृतिभन्दा फरक इन्टरनेट प्याकेज बेच्ने १४ सेवा प्रदायकलाई जरिवाना
ओमानविरुद्ध नेपालको सानदार जीत
पश्चिम नेपालमा आज र भोलि वर्षा र हिमपातको सम्भावना
यी प्रदेशमा हुनेछ मेघगर्जन र चट्याङसहितको हल्का वर्षा
