इलाम । डा. गोविन्द केसील चिकित्सा शिक्षा आयोगका निर्णयमा स्वार्थको द्वन्द्व रहेको प्रश्न उठाउँदे विवादित निर्णय खारेज गर्न र चिकित्सा शिक्षा क्षेत्रमा सुधारका माग राख्दै सत्याग्रह सुरु गरेका छन । इलाम नगरपालिका ६ नारायणथानको मन्दिरमा उनले बिहीबार साँझ ५ बजेदेखि २५ औ सत्याग्रह सुरु गरेका हुन । डा. केसी यस अघि पनि इलाममा सत्याग्रह बसेका थिए । इलाममा उनका यो दास्रो सत्याग्रह हो ।

बिहीबार जारी प्रेस विज्ञप्तिमार्फत डा. केसीले न्यूनतम पूर्वाधार, आवश्यक प्राज्ञिक जनशक्ति र कानुनी मापदण्ड पूरा नगरेका संस्थामा चिकित्सा शिक्षा कार्यक्रम सञ्चालन गर्न अनुमति दिएको तथा विभिन्न शिक्षण संस्थामा सिट वृद्धि गरिएको भन्दै आपत्ति जनाएका छन । उनले चिकित्सा शिक्षा आयोगका उपाध्यक्षको पूर्व संस्था सहित विभिन्न मेडिकल कलेजका विषय उठाउँदै आयोगका पदाधिकारीको नियुक्ति प्रक्रिया, शैक्षिक योग्यता, व्यावसायिक अनुभव र निर्णयमा सम्भावित स्वार्थको द्वन्द्व’bout निष्पक्ष छानबिन गर्न माग गरेका छन् ।

छानबिनका क्रममा दोषी ठहरिने पदाधिकारीलाई कानुनी कारबाही गर्नुपर्ने उनको माग छ । डा. केसीले सहिद दशरथ चन्द स्वास्थ्य विज्ञान विश्वविद्यालयको शिक्षण अस्पताल पूर्ण क्षमतामा सञ्चालन गर्नुपर्नेमा जोड दिएका छन् । आवश्यक पूर्वाधार, जनशक्ति र कानुनी मापदण्ड पूरा नगरी शैक्षिक कार्यक्रम विस्तार गर्दा चिकित्सा शिक्षाको गुणस्तरमा असर पर्ने र नागरिकको स्वास्थ्यमा असर पर्ने उनको भनाई छ ।

सार्वजनिक स्रोतबाट सञ्चालित संस्थामा कम्तीमा ७५ प्रतिशत छात्रवृत्तिको व्यवस्था कडाइका साथ लागू गर्नुपर्ने तथा निजी मेडिकल कलेजको व्यावसायिक स्वार्थअनुकूल छात्रवृत्ति कटौती र मापदण्डविपरीत सिट वृद्धि गर्ने प्रयास रोक्नुपर्ने पनि उनले माग गरेका छन् । त्यसैगरी, सरकारसँग २०८३ साउन ११ गते स्वास्थ्य तथा शिक्षा क्षेत्रमा सुधार, सुशासन र सामाजिक न्यायका विषयमा भएको सहमति कार्यान्वयन गर्न उनले आग्रह गरेका छन् । डा. केसीले इलाम, उदयपुर र डडेलधुरामा सरकारी मेडिकल कलेज वा स्वास्थ्य विज्ञान प्रतिष्ठान स्थापना गर्ने सम्बन्धमा विगतमा भएका सहमति कार्यान्वयन गर्न सरकारसँग माग गरेका छन् ।

जिल्लामा मेडिकल कलेज स्थापना भए स्थानीयस्तरमा स्वास्थ्य पूर्वाधार विस्तार, दक्ष जनशक्ति उत्पादन र रोजगारी सिर्जनामा सहयोग पुग्ने बताए । सरकारी मेडिकल कलेज स्थापना हुँदा सम्बन्धित क्षेत्रका विद्यार्थीले आफ्नै क्षेत्रमा चिकित्सा शिक्षा अध्ययन गर्ने अवसर पाउनुका साथै स्थानीय नागरिकले विशेषज्ञ स्वास्थ्य सेवा प्राप्त गर्ने उल्लेख छ ।

डा. केसीले चिकित्सा शिक्षा आयोगले आवश्यक पूर्वाधार, जनशक्ति र कानुनी मापदण्ड पूरा नभएका संस्थालाई एमबीबीएसलगायतका शैक्षिक कार्यक्रम सञ्चालन गर्न अनुमति दिएको भन्दै त्यसप्रति आपत्ति जनाएका छन् । उनले शहीद दशरथ चन्द स्वास्थ्य विज्ञान विश्वविद्यालयलाई एमबीबीएस कार्यक्रम सञ्चालन गर्न दिइएको अनुमति साथै स्वास्थ्य विज्ञान अध्ययन संस्थानलगायतका संस्थामा गरिएको सिट वृद्धिसम्बन्धी निर्णय खारेज गर्न माग गरेका छन् ।

सम्बन्धित समाचार

चिकित्सा शिक्षामा ४१८ सिट थप, निजी कलेजको सिट यथावत् राखेर सरकारीलाई प्रोत्साहन यी हुन् मन्त्रिपरिषद्का १३ निर्णय अब मिठाईमा मिसाइएका पदार्थ र उपभोग्य मिति अनिवार्य सुनकोशीमा खस्यो टाटासुमो, तीन जनाको मृत्यु हानिनोक्सानी कोषबाट नेपाललाई तीन अर्ब अनुदान पाकिस्तानका कप्तान फरहानले कर्णाली याक्सबाट एनपीएल खेल्ने एकै दिन ४७० सवारीसाधन कारबाहीमा ग्लोबल आइएमई बैंकले लगातार तेस्रो पटक पायो ‘बेस्ट बैंक’ अवार्ड