काठमाडौं । राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले एक–दुई जना न्यायाधीशलाई महाभियोग लगाउँदैमा न्यायालयमा सुधार नआउने दाबी गरेका छन ।

उनले न्यायालयमा व्यापक सुधार र परिवर्तन आवश्यक रहेको बताए । उनले न्यायालयको पुनर्नियुक्ति र पुनर्गठनजस्ता विषयमा समेत अघि बढ्नुपर्ने पनि बताए ।

राष्ट्रिय स्वतन्त्र पार्टी (रास्वपा) ले न्यायाधीश हटाउन संसदीय प्रक्रिया अघि बढाउने निर्णय गरेको विषयमा सोधिएको प्रश्नमा लिङ्देनले त्यसको विषयवस्तु र अभियोग हेरेर मात्रै पार्टीले धारणा बनाउने पनि बताए । उनले भने, ‘महाभियोग भनेको व्यक्तिमाथि आउने कुरा हो ।

त्यतिले नै न्यायालयमा सुधार र परिवर्तन हुने भन्ने होइन, ‘के विषय र के अभियोग लगाएर आउने हो, कोमाथि आउने हो, त्यो हेरेर छलफल गरेर हामी आफ्नो धारणा बनाउँछौँ ।’

उनले न्यायालयको वर्तमान अवस्थाबाट निकास ननिस्कने भन्दै व्यापक सुधारको आवश्यकता रहेको पनि बताए । उनले भने, ‘न्यायालयमा सुधार र परिवर्तन जरुरी छ । अहिलेको न्यायालय जसरी चलिरहेको छ, यसबाट निकास निस्किँदैन ।’

सम्बन्धित समाचार

चुनावअघि मात्र टिकट लिने र खोज्ने प्रवृत्ति अन्त्य गर्छौ : गगन कोष उपाध्यक्षमा नियुक्त आनीको नागरिकतामा प्रश्न एकताबद्ध र अनुशासित ढंगले अगाडि बढ्दा कार्यकर्तामा उत्साह भर्न सकिन्छ : ओली रास्वपा सांसद खगेन्द्र सुनारले महिलालाई यातना दिएपछि भएको थियो मिलापत्र! प्रहरी पोसाक खरिद छानबिनमा अलमल जाग्यो कांग्रेस, पछ्याउँदै देउवा पक्ष मधेसमा नयाँ सरकार गठन गर्न तीन दलबीच छलफल काँग्रेसको विशेष बैठक आइतबार दिउँसो १ बजे