काठमाडौं । साताको दोस्रो कारोबार दिन मंगलबार सेयर बजार घटेर बन्द भएको छ।
नेपाल स्टक एक्सचेन्ज (नेप्से) परिसूचक १२.७९ अंक घटेर २६३६.१० विन्दुमा झरेको छ। सेन्सेटिभ इण्डेक्स २.३२ अंक, फ्लोट इण्डेक्स ०.८३ अंक र सेन्सेटिभ फ्लोट इण्डेक्स ०.७३ अंक घटेको छ।
१३ मध्ये एक उपसमूहको परिसूचक बढेको छ । म्युचुअल फण्ड उपसमूहको परिसूचक सामान्य अंक बढेको छ। कारोबारमा आएको होटल तथा पर्यटन उपसमूहको परिसूचक १.२१ प्रतिशत घटेको छ।
नेप्से घटे पनि आज कारोबार रकम भने बढेको छ। गत शुक्रबार तीन अर्ब पाँच करोड रुपैयाँबराबरको सेयर खरिदबिक्री भएको थियो । आज ३५३ स्टकको चार अर्ब ७३ करोड ११ लाख ७८ हजार रुपैयाँबराबरको एक करोड १२ लाख ९३ हजार कित्ता सेयर खरिदबिक्री भएको छ।
आज ७ प्रतिशत नबिल डिबेञ्चर २०८९ को २८ करोड ९१ लाख रुपैयाँबराबरको ऋणपत्र कारोबार भएको छ। घलेम्दी हाइड्रोको २० करोड रुपैयाँभन्दा बढी र सेन्ट्रल फाइनान्सको कारोबार रकम साढे १९ करोड रुपैयाँ नाघेको छ।
अप्पर लोहोरे खोला हाइड्रोपावरको सेयरमूल्य ११.८४ प्रतिशत बढेको छ। सेन्ट्रल फाइनान्सको सेयरमूल्य ६ प्रतिशत बढेको छ भने एपोलो हाइड्रोपावरको शेयरमूल्य साढे ५ प्रतिशतभन्दा बढी बढेको छ।
सम्बन्धित समाचार
६.६२ अंकले बढ्यो नेप्से, पाँच अर्ब ६५ करोडको कारोबार
कम्पनीको बक्यौता जरिवाना छुटको म्याद पुस मसान्तसम्म थप
अमेरिकी चुनावपछि विश्व बजारमा घट्यो कच्चा तेलको मूल्य
हिजो १३ हजार ३०० रुपैयाँले बढेको सुनको मूल्य आज घट्यो, कतिमा भइराखेको छ कारोबार ?
वाणिज्य बैंकहरूमा बढ्दै खराब कर्जाको दबाब, प्रभु बैंकको १४.८० प्रतिशत पुग्यो
यस्तो छ आजको विदेशी मुद्राको विनिमयदर
अदालतको अल्झनले दमक-चिसापानीजस्तै अन्योल नबनोस भञ्ज्याङ-बेलासे सडक
यी हुन् यो वर्षका उत्कृष्ट करदाता






