काभ्रेपलाञ्चोक । जिल्लामा आज थप एक जनामा कोरोना संक्रमण पुष्टि भएको छ ।

जिल्लाको मण्डनदेउपुर नगरपालिका वडा ७का २९ वर्षीय पुरुषमा कोरोना संक्रमण पुष्टि भएको जिल्ला स्वास्थ्य कार्यालय काभ्रेका प्रमुख डा. नरेन्द्र कुमार झाले बताए । उनकाअनुसार संक्रमितको धुलिखेल अस्पतालमा आइसोलेशनमा उपचार भइरहेको छ ।

योसँगै जिल्लामा कोरोना संक्रमितको संख्या २७पुगेको कार्यालयले जनाएको छ । कार्यालयकाअनुसार संक्रमितमध्ये २५ जना उपचारपछि घर फर्किएका छन् भने २ जनाको आइसोलेसनमा उपचार भइरहेको छ ।