तुलसीपुर । रुकुम पश्चिममा कोलिनीका कार्यालयमा कार्यरत ९ जना कर्मचारीमा कोरोना संक्रमण देखिएको छ । यस अघि गएको साउन २८ गते नेपालगञ्जबाट रुकुम पश्चिम पुगेका कार्यालय प्रमुखको पीसीआर परीक्षण गर्दा रिपोर्ट पोजिटिभ आएको थियो ।
कार्यलय प्रमुखको सम्पर्कमा आएका कर्मचारीको पीसिआर रिपोर्ट परीक्षण गर्दा उनीहरुमा कोरोजना पोजेटिभ देखिएको प्रमुख जिल्ला अधिकारी उपेन्द्र राज पौड्यालले जानकारी दिए ।
कार्यालयका ९ जना कर्मचारीमा कोरोना संक्रमण देखिएपछि कन्ट्याक्ट ट्रेसिङमा समेत समस्या देखिएको छ । कर्मचारीको सम्पर्ककमा पुगेका सेवाग्राहीसम्म पुग्नुपर्ने भएकाले कन्ट्याक्ट ट्रेसिङमा समस्या देखिएको हो ।
त्यसैगरी ३ जना सुरक्षाकर्मी, २ जना भारतबाट फर्किएका र अन्य ३ जना सानोभेरी गाउँपालिकाका स्थानीयवासी समेत गरेर सोमबार मात्रै १८ जनामा कोरोना देखिएको छ । त्यसैगरी कोरोनाको संक्रमण फैलिन नदिन त्यस क्षेत्रमा सिल गरिएको छ ।
