युएइ । सनराइजर्स हैदराबादले इन्डियन प्रिमियर लिग (आईपीएल) मा तेस्रो जित निकालेको छ । गएराति भएको खेलमा किङ्स इलाभेन पन्जाबलाई ६९ रनले पराजित गर्दै हैदराबादले तेस्रो र सहज जित निकालेको हो ।
हैदराबादले दिएको २ सय २ रनको लक्ष्य पछ्याएको पन्जाब १६ ओभर ५ बलमा सबै विकेट गुमाउँदा मात्र १ सय ३२ रन मात्र बनाउन सक्यो । पन्जाबका लागि निकोलस पुरनले ७७ रनको अर्धशतकीय इनिङ्स खेलेका थिए । उनको योगदान टिमका लागि सफल बन्न सकेन ।
टस जितेर पहिले ब्याटिङ गरेको हैदराबादले निर्धारित २० ओभरमा ६ विकेट गुमाएर २ सय १ रन बनाएको थियो । हैदराबादका लागि ओपनरद्वय जोनी बेयरस्टो र कप्तान डेभिड वार्नरले अर्धशतकीय इनिङ्स खेले । बेयरस्टो ९७ रनको अर्धशतकीय इनिङ्स खेल्दा वार्नरले ५२ रनमा आउट भए ।
जितसँगै हैदराबादले ६ खेलमा ६ अंक जोडेको छ । हैदराबाद तालिकाको तेस्रो स्थानमा समेत उक्लिएको छ । पन्जाबको यो पाँचौ हार हो । ६ खेलमा २ अंक मात्र जोडेको पन्जाब पुछारमा रहेको छ ।
आज शुक्रबार साँझ सारजा क्रिकेट मैदानमा राजस्थान रोयल्स र दिल्ली क्यापिटल भिड्ने छन् ।
