काठमाडौं । आईसीसीबाट चारवर्षका लागि एक दिवसीय मान्यता पाएपछि नेपालले घरेलु मैदानमा पहिलो एक दिवसीय सिरिज खेलिरहेको छ । आईसीसी विश्वकप लिग २ का लागि नेपाल, ओमान र अमेरिकाबीचको त्रिकोणात्मक सिरिज कीर्तिपुर मैदानमा बुधबारदेखि सुरु भएको हो ।
प्रतियोगिताको उद्घाटन खेलमा घरेलु टोली नेपालले ओमानसँग प्रतिस्पर्धा गरिरहेको छ । ताजा स्थितिमा ओमानले ५ विकेट गुमाएर ६८ रन बनाएको छ । नेपालको तर्फबाट करण केसी र सुसन भारीले दुई दुई विकेट लिए भने एक खेलाडी रनआउट भए ।
ओमानका लागि जेसन मसुदले २० रन बनाउन सके भने यक्युब लिआजले १६ तथा महम्मद नविमले १२ रनको योगदान दिए ।
त्यसयता नेपालले आधिकारिक ५० ओभरको क्रिकेट खेलेको छैन । नेपालले एक दिवसीय क्रिकेटको पछिल्लो सात बर्षमा ओमानलाई पराजित गर्न सकेको छैन् । कीर्तिपुर मैदानमा हुने सिरिजमा नेपालले ओमान र अमेरिकासंग दुई दुई वटा खेल खेल्नेछ ।
