वासिंगटन। अमेरिकी राष्ट्रपतीय निर्वाचनमा डेमोक्रेटिक पार्टीबाट उम्मेदवार बन्ने दौडमा रहेका इन्डियाना राज्यका भूतपूर्व मेयर पिट बुटिगिगले आफ्नो निर्वाचन अभियान परित्याग गरेको घोषणा गरेको अमेरिकी सञ्चारमाध्यमले जानकारी दिएका छन् । प्रमुख राजनीतिक दलबाट अमेरिकी राष्ट्रपतिको उम्मेदवार बन्न खोज्ने उनी प्रथम समलिंगी व्यक्ति समेत हुन् ।
डेमोक्रेटिक पार्टीका ३८ वर्षीय नेता बुटिगिगले निर्वाचन अभियानलाई तीव्र गतिमा सुरु गरेको भएपनि केही सातायता चुनावी अभियानको गति मन्त बनेको थियो । उनी खुला रूपमा पुरुष समलिंगीका रुपमा परिचित व्यक्ति हुन् । डेमोक्रेटिक पार्टीभित्र राष्ट्रपतिको उम्मेदवार छान्न मतदान हुनुभन्दा दुई दिनअघि बुटिगिगले प्रतिस्पर्धाबाट अलग्गिएको घोषणा गरेका हुन् ।
मंगलवार अमेरिकाका १४ वटा राज्यमा डेमोक्रेटिक पार्टीबाट राष्ट्रपतिको उम्मेदवार कसलाई बनाउने भन्ने छिनोफानो गर्न प्राईमरी अर्थात् प्रारम्भिक निर्वाचन हुँदैछ । यो मतदानबाट वामपन्थी झुकाव भएका नेता बर्नी स्यान्डर्सले दलभित्र अग्रता कायम गर्ने र राष्ट्रपतीय निर्वाचनका लागि औपचारिक मनोनयनमा पर्ने देखिएको छ ।
डेमोक्रेटिक पार्टीका उम्मेदवारको प्रतिस्पर्धा रिपब्लिकन नेता तथा वर्तमान राष्ट्रपति डोनल्ड ट्रम्पसँग हुनेछ । पिट बुटिगिगले इओवा राज्यमा ३ फेब्रुअरीमा भएको प्राईमरीमा आश्चर्यजनक रूपमा झिनो मतान्तरले बलियो प्रतिस्पर्धी बर्नी स्यान्डर्सलाई हराएर विजयी भएका थिए । तर उनले सफलतालाई दोहो¥याउन सकेनन् । उनी उम्मेदवार बन्ने दौडमा अन्य उम्मेदवार भन्दा पछि परेपछि निर्वाचन अभियान छाडेका हुन् ।
बुटिगिग पछि हटेपछि अब डेमोक्रेटिक पार्टीमा राष्ट्रपति उम्मेदवारको प्रतिस्पर्धामा छ जना नेता बाँकी भएका छन् । शनिवार साउथ क्यारोलिनामा उनी चौथो स्थानमा सीमित भएका थिए । साउथ क्यारोलिनामा २ लाख ५६ हजार १ सय ११ मत ल्याएका पूर्व उपराष्ट्रपति जोए बिडेन ४८.४ प्रतिशत मतका साथ शीर्ष स्थानमा रहँदै विजयी भ एभने बर्नी स्यान्डर्सले १ लाख ५ हजार २ सय २६ अर्थात १९.९ प्रतिशत मत ल्याएर दोस्रो भएका छन् ।
यसैगरी टोम स्टेयरले ५९ हजार ९ सय १७ अर्थात ११.३ प्रतिशत मत पाउँदा बुटिगिगले ४३ हजार ६ सय १२ अर्थात ८.२ प्रतिशत मात्रै मत पाए । उनीभन्दा पछि एलिजाबेथ वारेन रहिन् । उनले ३७ हजार ३५३ मत अर्थात ५ प्रतिशत मत पाएकी छन् ।
बुटिगिगगले अफ्रिकी मूलका अमेरिकी मतदाताको समर्थन पाउन पनि संघर्ष गर्नुपरेको छ । तर ब
बुटिगिगले निर्वाचन अभियान परित्याग गरेको विषयमा उनको समूहले औपचारिक घोषणा गरेको छैन । मंगलवारको प्रारम्भिक निर्वाचन बाँकी आकांक्षीका लागि निकै महत्वपूर्ण हुनेछ । मंगलवार मतदान हुने १४ वटा राज्यमध्ये दुईवटा धेरै मतदाता रहेका राज्य क्यालिफोर्निया र टेक्सस समेत रहेका छन् ।