लमजुङ । लमजुङमा पौडी खेल्न गएका बालकको नदीमा डुबेर मृत्यु भएको प्रहरीले जनाएको छ । राइनास नगरपालिका– ७ चेपेखोलाको गंगटेमा पौडी खेल्ने क्रममा डुबेर १४ बर्षीय बालक अनिल नेपालीको मृत्यु भएको हो । राइनास नगरपालिका– ७ बाङ्गे चौर बस्दै आएका उनी आफ्ना साथीहरूसँग स्थानीय चेपे नदीमा पौडी खेल्न गएका थिए । नेपाली मृत अवस्थामा भेटिएको प्रहरी नायव उपरीक्षक रविन्द्रमान गुरुङले बताए । उनका अनुसार नेपालीको शव पोष्टमार्टमपछि परिवारलाई जिम्मा लगाइएको छ ।