सीमा नाकामा कडाइ: चोर बाटोबाट नुन, तेल किन्न पनि भारततिरै

काठमाडौं । कोरोना संक्रमण बढ्दै गएर सरकारले सीमा नाकामा कडाइ गर्न थालेपछि भारतीय क्षेत्र हुँदै आउने नेपालीहरू चोर बाटो हुँदै नेपाल प्रवेश गर्ने क्रम बढ्न थालेको छ ।

सीमा नाकाबाट आउँदा कोरोना संक्रमण भए नभएको चेक जाँच हुने र संक्रमण पुष्टि भए वा लक्षण देखिए होल्डिङ सेन्टरमा बस्नुपर्ने भएपछि भारतीय क्षेत्र हुँदै आउने नेपालीहरू चोर बाटो हुँदै आउने क्रम बढ्न थालेको हो ।

यस्तै, सुरक्षाकर्मीका आँखा छली खेत, कान्ला र आली तथा खोल्सी हुँदै भारतीय बजार पुगी फर्कनेहरूलेसमेत कोरोना संक्रमण फैलाउन सक्ने जोखिम बढेको छ ।

सरकारले हाल भारततर्फबाट १३ सीमा नाकालाई खुला राखेको छ । तर ती नाकाबाहेक बन्द रहेका नाकाहरूमा पर्ने खेत आली, जंगल र खोला तर्दै आउजाउ गर्नेहरू बढ्दै गएका छन् ।

कञ्चनपुरका प्रमुख जिल्ला अधिकारी रामप्रसाद पाण्डेले खुला नाका हुँदै आउने नागरिकहरूलाई चेक जाँच गर्ने गरिएकाले केही व्यक्ति बन्द रहेका क्षेत्रमा पर्ने खेत तथा आली हुँदै प्रवेश गर्ने गरेको पाइएको बताए ।

‘तोकिएका नाकाबाट आउनेलाई हामीले स्वास्थ्य जाँच गरेर घर पठाउने गरेका छौं तर चोर बाटोबाट पनि आउजाउ भइरहेका गुनासा बढेका छन् । हामीले निगरानी बढाउन सुरक्षा निकायलाई भनेका छौं,’ कञ्चनपुरका प्रमुख जिल्ला अधिकारी पाण्डेले राजधानीसँग भने ।

झापाका प्रमुख जिल्ला अधिकारी छविलाल रिजाल घरायसी सामान किनमेलका लागि भारततर्फ जानेआउने क्रम बढेपछि त्यसतर्फ रोक लगाउन भनिएको बताउँछन् ।

‘एक किलो दाल, नुन, तेल किन्न पनि भारततर्फ जानेहरू र अनावश्यक रूपमा आउजाउ गर्नेहरूबाट समस्या भइरहेको छ, त्यस्तो आवतजावतलाई रोक्न भनेका छौं,’ झापाका प्रमुख जिल्ला अधिकारी रिजालले भने ।

पर्साका प्रमुख जिल्ला अधिकारी उमेशकुमार ढकाल मुख्य नाकाबाहेकबाट पनि आउजाउ हुन सक्ने भएकाले जिल्लाभित्रका साना नाकाहरूमा पनि स्वास्थ्य परीक्षणका लागि हेल्थ डेस्क राख्न पालिका प्रमुखलाई आग्रह गरिएको बताउँछन् ।

‘मुख्य नाकाबाहेकबाट पनि आउजाउ हुन सक्छ, जिल्लाभित्रका साना नाकामा पनि स्वास्थ्य परीक्षणका लागि हेल्थ डेस्क राख्न पालिका प्रमुखलाई आग्रह गरिएको छ, नाका हुँदै आउने सबैलाई चेकजाँचको दायरामा ल्याउने प्रयास जारी छ,’ पर्साका प्रमुख जिल्ला अधिकारी ढकालले भने ।

भारतमा दिन प्रतिदिन कोरोना संक्रमण दर उच्च हुँदै गए पनि नेपाली उपभोक्ता भारतीय बजारमा पुगेर किनमेल गर्ने क्रम रोकिएको छैन ।

तपाइको प्रतिक्रिया
(Visited 441 times, 1 visits today)

Ads Space Available

epaper

भर्खरै

यस्तो छ– एमडीएमएस खरिद अनियमितताको अन्तरकथा

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
लोसपाले सार्वजनिक गर्यो घोषणापत्र, भन्यो– नेपाल बहुराष्ट्रिय मुलुक हो, भावनात्मक रुपमा एक हुन सकेन