Thursday, August 5, 2021
Homeप्रदेशप्रदेश ४नगर कार्यपालिकाको बैठक पाँच महिनादेखि अबरुद्ध

नगर कार्यपालिकाको बैठक पाँच महिनादेखि अबरुद्ध

,
sharethis

लमजुङ । लमजुङको कान्छो राइनास नगर कार्यपालिकाको बैठक पछिल्ला पाँच महिनादेखि अबरुद्ध छ । मेयर, उपमेयर र प्रमुख प्रशासकीय अधिकृत बीचको मनोमालिन्यका कारणले बैठक अवरुद्ध भएको हो ।

नगर कार्यपालिकाको २१ सदस्यीय समितिमा १७ जना उपमेयरसहित नेपाली काँग्रेसका प्रतिनिधिहरू रहेका छन् । मेयरसहित ३ जना नेकपाका प्रतिनिधिहरू छन् भने एक जना प्रमुख प्रशासकीय अधिकृत त्यसको सदस्य सचिव रहने व्यवस्था छ ।

आफूले नियमानुसार हरेक महिना कार्यपालिकाको बैठक बोलाउने गरेको र ४ जनाको मात्र उपस्थिति रहने गरेको राइनास नगरपालिकाका मेयर सिंहबहादुर थापाले बताए । उनले भने, ‘१७ जनाले बैठक पुस्तिकाको उपस्थितिमा सही नगरेपछि बैठकको निर्णय कसरी गर्ने ? हामी चार जनाले त सधैंको बैठकमा सही गरेकै छौं, नगरपालिकाले गर्नु पर्ने हिउँदे अधिवेशनको समेत निर्णय हुन सकेको छैन ।’

उनका अनुसार उपमेयर लगायतका साथीहरूको प्रमुख प्रशासकीय अधिकृतका विरुद्ध खेदप्रस्ताव पारित गरौं भन्ने अडान छ, त्यस कार्यले झनै दुरी बढाउने काम गर्ने, त्यो नजिर बन्ने र गलत सन्देश जाने भएको हुँदा त्यसो नगरौं भन्ने मेरो आग्रह हो । कर्मचारी भनेको हामीले गरेका निर्णय कार्यान्वयन गर्ने व्यक्ति भएको हुँदा निर्णय गरेर कार्यान्वयनका लागि दबाब दिउँ भन्दा साथीहरू मानिरहेको छैनन् मेयर थापाले बताए ।

यसबारेमा उपमेयर धनकुमारी गुरुङले प्रमुख प्रशासकीय अधिकृतले आफूहरूको मानमर्दन गर्ने बोली व्यवहार गर्र्दै आएको र एक दिनको कार्यपालिका बैठकमा समेत हामीले भनेको निर्णय लेख्न अस्वीकार गर्दै बैठक बहिस्कार गर्र्दै सिंगो कार्यपालिकालाई अपमान गर्दै बैठकबाट निस्केर हिडेको बताइन् । उनले भनिन् ‘तर मेयरले त्यस्तो प्रमुख प्रशासकीय अधिकृतलाई काखी च्याप्ने काम गरेका कारण नगरपालिका अनिर्णयको बन्दी बनेको हो । गाँठो फुकाउने काम मेयरको हातमा छ, जनप्रतिनिधि भएर कर्मचारीको अपमान कति सहने ?’

यसबारेमा प्रमुख प्रशासकीय अधिकृत रामचन्द्र अधिकारीसँग सम्पर्क गर्दा बैठक अवरुद्ध भयो भन्ने गलत कुरा हो, कस्ले सुनायो ? भन्ने प्रतिप्रश्न गरे । उनले भने, ‘नगरसभाले गरेका निर्णय कार्यान्वयनमा कुनै समस्या छैन । योजनाको सम्झौता गर्ने, सम्पन्न भएका कामको भुक्तानी लिने लगायतका दैनिक कामहरू कुनै रोकिएको छैनन् कसरी नगरपालिका अनिर्णयको बन्दी हुन्छ ?’ उनका अनुसार जनप्रतिनिधिका आफ्नो रुचिका योजनामा मनलाग्दी माग गरिएको हुन्छ ५, ७, १० लाख रकम चाहियो भन्दै, दिनका लागि स्रोत पनि हुनुपर्छ, स्रोत नभएको हुँदा स्रोतको पहिचान गरेर मात्र निर्णय गरौं भन्ने अनुरोध गर्दा म अर्घेलो भएको हुँ ।

उनले भने, ‘हालै राष्ट्रपति कप सम्पन्न भयो, स्वास्थ्य केन्द्र नभएको १, ३, ५ र ७ नंबर वडामा स्वास्थ्य केन्द्र सञ्चालनका लागि करारमा एक एक जना अहेव, अनमी र कार्यालय सहयोगीको १५ दिने सूचना निकालेर नियुक्ति गरी औषधि समेत व्यवस्था गरी खटाएको अवस्था छ, के रोकिएको छ र ?’ उनले थप भने, ‘पत्रकारले नगरपालिकाले गरेका सकारात्मक कामतर्फ पनि ध्यान दिनु प¥यो ?’

‘नगरपालिका अनिर्णयको बन्दी भएको छैन रे ! दैनिक काम त जारी छ रे नि ?’ भन्ने मेयर थापासँग पुनः राखेको जिज्ञासामा उनले गत कार्तिक महिनादेखि कार्यपालिकाको बैठक बस्न नसकेको साँचो भएको बताए । उनले भने, ‘महिनै पिच्छे बैठक बसेर कार्यपालिकाले गर्नु पर्ने निर्णय कार्तिक महिना यता हुन सकेको छैन, हिउँदे सभा बस्ने समय समेत नाघ्यो भन्दा हुन्छ, त्यसको निधो हुन सकेको छैन, यसलाई के भन्नु हुन्छ ?’ उनका अनुसार कमजोरी हाम्रा जनप्रतिनिधिबाटै बढी भएको देखिन्छ । नगरपालिकाको यस्तो स्थिति नेकपा तथा काँग्रेसको स्थानीय तथा जिल्ला नेतृत्वलाई पनि थाहा छ तर उनीहरूले समेत निकासको पहल नगरेको स्थानीयबासीको गुनासो छ ।

(Visited 157 times, 1 visits today)

आजको समाचार

सर्वोच्चबाट ठाकुरको पक्षमा अन्तरिम आदेश दिन अस्वीकार

काठमाडौं । सर्वोच्च अदालतले जनता समाजवादी पार्टीका नेता महन्थ ठाकुरको मुद्दामा अन्तरिम आदेश जारी गर्न अस्वीकार गरेको छ । न्यायाधीश प्रकाशमान सिंह राउतको एकल...

बँदेललाई पासाे थापेकाे करेन्ट लागेर दाजुभाइको मृत्यु

बैतडी । जङ्गली बँदेलका लागि पासाे थापेकाे ठाउँमा करेन्ट लागेर बैतडीमा दुई जनाको मृत्यु भएको छ । मृत्यु हुनेमा सुर्नया गाउँपालिका–५ स्वालीका २१ वर्षीय...

यूएन मिसनको प्रश्नपत्र ‘लिक’ले प्रहरीमा हंगामा

काठमाडौं । संयुक्त राष्ट्रसंघ (यूएन)को शान्ति मिसनमा जान लिइने नेपाल प्रहरीतर्फको आन्तरिक परीक्षाको प्रश्नपत्र बाहिरिएको विषयमा प्रहरी प्रधान कार्यालयले छानबिन अघि बढाएको छ । यूएन...

निरन्तर ६ वर्षदेखि नाफा कमाएको निगम अहिले ४ अर्ब घाटामा

काठमाडौं । निरन्तर ६ वर्षदेखि नाफा कमाउँदै आएको नेपाल आयल निगमले पछिल्लो समय निरन्तर घाटा बेहोर्दै आएको छ । निगमका नायब कार्यकारी निर्देशक नागेन्द्र...

साताका लोकप्रिय समाचार

नेप्से हालसम्मकै उच्च बिन्दुमा

काठमाडौं । मंगलबार नेपाल स्टक एक्सचेन्ज (नेप्से)ले नयाँ रेकर्ड कायम गरेको छ । यस दिन सूचकसँगै कारोबार रकममा समेत सुधार देखिएको छ । नेप्से...

सञ्जयको फिल्ममा क्यान्सर र कोरोनाको असर

मुम्बई । बलिउड अभिनेता सञ्जय दत्तको रोकिएका सिनेमाको छायाँकन अझै पछि धकेलिएको छ । यसअघि क्यान्सरको उपचारका कारण उनले फिल्मको छायांकनमा समय दिन सकेका...

अस्तब्यस्त शासन र संकटउन्मुख देश

प्रारम्भ: नेपालमा राणाहरूलाई सताच्युत गरेर जनताको शासन प्राप्त गर्न भएका संघर्षदेखि आजको अवस्थासम्म आइपुग्दा देशमा गणतन्त्रमा जानसमेत तयार भएका तत्कालीन राजा त्रिभुवन, अत्यधिक जनसमर्थन...

सुनसरीमा ३ सय ६ जनाको निधन

इटहरी । कोरोना भाइरस संक्रमणको दोस्रो लहर सुरु भएयता सुनसरीमा कोरोनाले तीन सय ६ जना मानिसको निधन भएको छ । जिल्ला स्वास्थ्य कार्यालयले सार्वजनिक...

नेपाल चलचित्र कलाकार तथा मजदुर संगठनमा नयाँ नेतृत्व

काठमाडौं । नेपाल चलचित्र कलाकार तथा श्रमिक संगठनको पाँचांै अधिवेशनले नयाँ कार्यसमिति चयन गरेको छ । आइतबार बेलुका काठमाडौंमा सम्पन्न सो अधिवेशनले खगेन्द्र प्याकुरेलको...

ट्रेन्डिङ

सिरहामा लकडाउन उलंघन : प्रहरी–स्थानीयवीच झडप

सिरहा । सिरहा नगरपालिका १७ पर्टेवामा लकडाउन निगरानी गर्न पुगेका बेला प्रहरी र स्थानीयवीच झडप भएको छ । सोमवार साँझ प्रहरीको टोलीले सडकमा रहेका...

काभ्रेमा एकै दिन थपिए ६ जना कोरोना संक्रमित

काभ्रेपलाञ्चोक । जिल्लामा आज (शुक्रबार) एकै दिन ६ जनामा कोरोना संक्रमण पुष्टि भएको छ । काठमाडाँैमा गरिएको पिसिआर परिक्षणमा ६ जनाकै रिपोर्ट पोजेटिभ आएको...
1

प्रमुख

भर्खरै

छुटाउनुभयो कि?

(Visited 194 times, 1 visits today)