काठमाडौं । आगामी १ बैशाखमा रिलिज हुने भनिएको नेपाली चलचित्र ‘बिहे पास’को फस्टलुक्स महा शिबरात्रीको अबसर पारेर शनिबार सार्वजनिक गरिएको छ । तीनवटा फस्ट लुक्स सार्वजनिक गरिएको छ ।
जसमा दयाहाङ राई,प्रकृति श्रेष्ठ, बुद्धि तामाङ, शिसिर वाङ्देल, रबिन्द्र झा र रुषा न्यौपानेलाई देख्न समेटिएको छ । यो चलचित्र प्रवेश पौडेलले निर्देशन गरेका हुन् । सिनेमाको अन्य कलाकारमा श्याम राई, बिशाल पहाडी, सुवास गजुरेल, हिउँवाला गौतम, नवीन शेरचन, उमा बानियाँ, प्रकाश भुजेललगायत छन् ।
नेपाली युवाहरुले उच्च शिक्षा हाँसिल गरेर पनि सरकारी जगिर पाउन गर्नु पर्ने सँघर्ष र अन्त्यमा जागिर समेत नपाउँदाको अबस्थालाई यो चलचित्रको कथामा समेटिएको बताईएको छ ।
सिनेमा पूर्वी नेपालका बिभिन्न रमणीय स्थलमा खिचिएको हो । जसमा रोहित कटेलको प्रस्तुति, रत्न श्रेष्ठ कार्यकारी निर्माता,रोजन श्रेष्ठ निर्माता छन् । सिनेमाको बितरण आरआर फिल्म्सले गर्दैछ ।
शिब ढकालले खिचेको यो चलचित्रमा प्रबेश मल्लिकको संगीत, रामजी लामीछानेको कोरियोग्राफी, शैलेन्द्र प्रधानको पाश्र्व संगीत, मित्रदेव गुरुङको सम्पादन छ ।
