काठमाडौँ । बेपत्ता भएको मनाङ एयरको हेलिकोप्टर दुर्घटनाग्रस्त अवस्थामा फेला परेको छ । सोलुखुम्बुको सुर्केबाट काठमाडौँका लागि उडेको हेलिकोप्टर सोलुखुम्बुको लाम्जुराबाट मङ्गलवार बिहानदेखि सम्पर्कविहीन भएको थियो ।

हेलिकोप्टर लाम्जुरापास क्षेत्रमा दुर्घटनाग्रस्त भएको अवस्थामा भेटिएको अधिकारीहरूले जनाएका छन् । खोजी कार्यमा संलग्न ती प्रहरी अधिकारीका अनुसार ५ जनाको शव भेटिएको छ ।

हेलिकोप्टरमा पाइलटसहित ६ जना यात्रु रहेको बुझिएको छ । मनाङ एयरको ९एन-एएमभी कल साइन भएको हेलिकोप्टर बिहान १० बजेर १ मिनेटपछि सम्पर्कविहीन बनेको थियो ।