‘गोर्खा वारियर’ हिरो रितेश

पोखरा । मिलन चाम्स निर्देशित बहुप्रतीक्षित फिल्म ‘गोर्खा वारियर’ को जति चर्चा छ, त्यत्तिकै चर्चामा छन्, नायक रितेश चाम्स । यी नायकले डेब्यू फिल्मको प्रिमियरबाटै प्रशस्त सकारात्मक प्रतिक्रिया पाइरहेका छन् । ८ वर्षअघि अडिसनबाट उत्कृष्ट छानिएका रितेश फिल्ममा पात्रलाई न्याय दिन थुप्रै तालिम लिएर खारिएका नायक हुन् ।

खोटाङ दिक्तेलका उनको पृष्ठभूमि भने क्याप्टेन हो । कैंयौँ पटक विमान उडाइसकेका उनले फरक विधा फिल्मका लागि भनी नेपालसहित लण्डन, मलेसिया, केन्या लगायत देशमा तालिम लिन गएको बताउँछन् । फिल्मकै लागि जल, थल र वायुमा आवश्यक पर्ने सिनका लागि तालिम लिएका हुन् ।

त्यसो त रितेशलाई नजिकबाट चिन्नेहरूलाई थाहा होला, बेलायतको पाइन उड स्टूडियोमा अभिनयमा मास्टर्स गर्ने पहिलो नेपाली हुन् । ११ फागुनमा प्रदर्शन तयारीको दिन नजिकिँदा उनी निकै उत्साहित रहेको बताउँछन् । भन्छन्, ‘गोर्खालीको वीरता चिनाउने फिल्म मेरो लागि निकै च्यालेन्ज थियो । धेरैले क्यारेक्टर न्याय गरेको प्रतिक्रिया दिनुभएको छ ।’ यो फिल्म लन्डनको लेस्चर स्क्वायरमा समेत ग्रान्ड प्रिमियर भइसकेको छ । नेपाली फिल्म त्यहाँ प्रिमियर भएको पहिलो पल्ट हो ।

नयाँ कलाकारका कारण निर्देशक मिलनकै करियरमा समस्या आउँछ कि भन्ने सुन्ने गरेका उनले उत्कृष्ट अभिनयका कारण आखिर गलत सावित गरिदिए । यसको श्रेय उनले निर्देशक मिलन चाम्सलाई दिन्छन् । ‘मेरो लागि उहाँ गडफादर हो । उहाँले अडिसनमा मलाई नलिनुभएको भए, म यहाँसम्म आउने थिइनँ,’ उनी आभार सुनिए ।

खासमा एकपछि अर्को सफल फिल्म दिएका मिलनले गोर्खा’bout फिल्म बनाउने सोचेका थिए । यता रितेशले भने बेलायतमा पाइलिङ गर्दै थिए । स्कुलमा बालकलाकार भूमिका निर्वाह गरेका उनी अडिसनमा गए ।

उनले भने, ‘म कलाकारिमा झुकाव राख्नेमात्र थिएँ, प्रोफेस्नली आउँछु भन्ने थिएन । अडिसनपछि क्यारेक्टर देखेर तीव्र इच्छा भयो । साढे २ वर्ष जतिको तालिमपछि अन्ततः फाइनल्ली सुटिङका लागि तयार भएँ ।’ अभिनय सिक्ने क्रममा पूरा समय दिन थाले । सुनिल पोखरेलसँग पनि तालिम लिएँ ।

उता पाइन उड स्टूडियोबाट अभिनयमा मास्टर्स सके । गोर्खालीको कथाबस्तु भएको जल, थल, वायु सबै’bout साक्षात्कार हुनुपर्ने थियो । उनले आइअल्टिङच्युटको लागि मनास्लु हिमाल चढिसकेका थिए । समुद्रको गहिराइसम्म जान एड्भान्स डाइभिङ तालिम लिएँ । उक्त तालिम अफ्रिकाको केन्या र मलेसियामा गएर गरे ।

विभिन्न खाले टेक्निकल तालिम बेलायतमै लिए । जंगल तथा फौजी लाइनको तालिम युकेमै लिइसकेका थिए भने स्काइ डाइभिङको तालिम थपे । सोलुखुम्बु, काठमाडौं, खोटाङ र मलेसियामा साढे २ वर्षमा ६ चरणको सुटिङपछि फिल्म तयार भयो । गत सेप्टेम्बरमा बेलायतमा प्रिमियर फिल्म हेर्न दर्शकको ओइरो लागेको थियो । कहिल्यै नेपाली फिल्म नहेरेकाहरुले पनि नेपाली यति राम्रो फिल्म पनि बन्दो रहेछ भनी प्रशंसा गरेको उनले बताए । बेलायतमा जन्मेर हुर्केका नयाँ पुस्ताले पनि गोर्खा वारियर हेरेको उनले बताए ।

ब्रिटिस आर्मी, क्याप्टेन र नायकका यी त्रिवेणी फिल्म सुटिङका बेला झण्डै ज्यान गुमाएका थिए । त्यसैले उनी यो जीवन बोनस हो भन्छन् । सुटिङको त्यो क्षण सम्झे, ‘स्टन्ड दिने क्रममा सिन्धुलीको डाँडाबाट झर्दैझर्दै खोलामा ड्याम्मै पछारिने सिन थियो । पहिलो दिन ठिकै भयो । दोस्रो दिन भने करिब १५ मिनेट झरिसक्दा डोरी मेरो घाँटीमा सेरियो । घाइते भएकोले एक साता अस्पताल भर्ना भएँ । यो जीवन बोनस हो ।’

हलिउडको एक फिल्ममा अडिसन दिइसकेका उनी नतिजा कुरिरहेका छन् । सगरमाथा पहिलो आरोही तेन्जिङ नोर्गेको बायोपिकमा बन्ने उक्त फिल्ममा आफू छनोट हुनेमा आशावादी देखिन्छन् ।

तपाइको प्रतिक्रिया
(Visited 72 times, 1 visits today)

Ads Space Available

epaper

भर्खरै

यस्तो छ, २०८१ सालको वर्षफल

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
वीरगञ्जमा गठबन्धनका राजेश मानसिंहलाई १८१० मत, एमालेका सरावगीलाई ७७५