पाल्पा । पाल्पामा जंगली च्याउ खाएर बिरामी भएका २ जना महिलाको उपचारको क्रममा मृत्यु भएको छ । रम्भा गाउँपालिका–५ ताँहु ओमभन्ज्याङकी ६६ बर्षिया विनिमाया कामु मगर र ३७ वर्षिया बालकुमारी खाम्चाको जंगली च्याउ खाएर बिरामी भई अस्पतालमा उपचारको क्रममा ज्यान गएको छ ।

युनाइटेड मिसन अस्पतालमा तानसेनमा उपचारको क्रममा कामुको मंगलबार र खाम्चाको बुधबार ज्यान गएकोे जिल्ला प्रहरी कार्यालय पाल्पाका प्रहरी नायव उपरिक्षक भिमलाल भट्टराईले बताए ।

जिल्लाका अन्य पालिकामा पनि जंगली च्याउको तरकारी खाएपछि दर्जन बढी बिरामी परेका छन् । रम्भा ताँहुकी ५० वर्षीया यानुमाया जर्घा र तानसेन नगरपालिका वडा नं. ११ भालुवनका चार जना बिरामीको युनाइटेड मिसन अस्पतालमा उपचार भइरहेको अस्पतालले जनाएको छ ।

त्यस्तै निस्दी गाउँपालिका वडा नं. ४, झुल्याटुङ्गका दुई जनाको चितवनको भरतपुर अस्पतालमा उपचार भइरहेको छ । जंगली च्याउ खाएर बिरामी परेका माथागढी ३ कसेनीका चार जना र तानसेन नगरपालिका–८ का दुई जनाको लुम्बिनी मेडिकल कलेजमा उपचारपछि घर फर्किएका छन् ।

बर्षाद्को समयसँगै उम्रिने जंगली च्याउहरू विषालु हुने भएकाले च्याउ खानेहरु बिरामी पर्ने र मृत्यु समेत हुने गरेको छ । जंगली च्याउको तरकारी खाएपछि हुने जोखिम कम गर्न स्वास्थ्य कार्यालय पाल्पाले जिल्लाका सबै स्थानीय तहमा स्वास्थ्य शाखामार्फत् गाउँ–गाउँमा सचेतना फैलाउन आग्रह गरेको छ ।

सम्बन्धित समाचार

लालपूर्जा तथा खोसिएको अधिकार माग्दै नगरवासी उत्रे सडकमा अर्घाखाँचीमा भएको बस दुर्घटनामा मृत्यु हुनेको सङ्ख्या ४ पुग्यो, २७ घाइते रावाबेँसी गाउँपालिकाद्वारा नयाँ प्रशासनिक भवनबाट सेवा सुरु गुल्मीको विकटमा निकट बन्दै स्वास्थ्य सेवा ५ हजार २ सय परिवारको पीडा सम्बोधन गर्न वार्ता सुरु कोहलपुरमा अतिक्रमण गरिएका सात सय घरटहरा हटाइए देशभरका सुकुम्बासीको बुटवलमा प्रदर्शन पूर्वमन्त्री साहद्वारा बरवा-स्मृति पुल शिलान्यास