भरतपुर । चितवनको भरतपुरमा जारी राष्ट्रिय स्वतन्त्र पार्टी (रास्वपा) को पहिलो राष्ट्रिय महाधिवेशनअन्तर्गत पदाधिकारी चयनका लागि दोस्रो चरणको निर्वाचन कार्य तालिका सार्वजनिक गरिएको छ । केन्द्रीय निर्वाचन आयोगले बिहीबार राति अबेर सूचना जारी गर्दै निर्वाचनका विभिन्न प्रक्रिया र मतदानको समय तोकेको हो ।

सार्वजनिक कार्य तालिका अनुसार निर्वाचनका प्रक्रियाहरू बिहीबार राति ११:४० बजेदेखि नै सुरु भएका छन् । राति ११:४० देखि ११:५५ सम्म उम्मेदवारी मनोनयन फाराम वितरण गरिएको थियो भने ११:५५ देखि शुक्रबार बिहान १२:२५ सम्म मनोनयन दर्ताको समय तोकिएको थियो । यस्तै बिहान १ बजे उम्मेदवारको प्रारम्भिक नामावली प्रकाशन, १:१५ देखि १:४० बजेसम्म उम्मेदवार बिरुद्ध दाबी बिरोध र उम्मेदवारी फिर्ता र बिहान १:४० देखि ३ बजेसम्म निर्वाचन तथा मतदान प्रकृयाको तयारी गरिने आयोगले जनाएको छ ।

आयोगका अनुसार बिहान ३:३० मा उम्मेदवारहरूको अन्तिम नामावली प्रकाशन गरेसँगै बिहान ४ बजेदेखि १० बजेसम्म मतदान प्रक्रिया सञ्चालन हुनेछ । आयोगले सबै प्रतिनिधि तथा सरोकारवालालाई तोकिएको समयतालिका अनुसार आवश्यक तयारीसहित सहभागी हुन आग्रह गरेको छ ।

सम्बन्धित समाचार

रास्वपा बागमती सभापतिमा दुई मतले अर्याल निर्वाचित सुशासन र वित्तीय अनुशासनका लागि तीत ‘कडा’ विधेयक ल्याइँदै नगरपालिका बढाउँदै स्थानीय तह घटाउने तयारी बालेन सचिवालयका ३ जनाको उम्मेदवारी रास्वपा महाधिवेशनः मतदान बिहान १० बजेसम्म जारी रहने अर्थमन्त्रीले संसद्लाई धम्क्याए : पूर्वअर्थमन्त्री पुन परराष्ट्रमन्त्री शिशिर खनाल आइतबार चीन भ्रमणमा जाँदै यस्तो छ– काँग्रेस असन्तुष्ट पक्षलाई पठाएको ७ बुँदे प्रस्ताव