सुर्खेत । दुर्घटनापछि बिहीबार बिहान ११ः३० बजे दैलेखस्थित कर्णाली नदीमा बेपत्ता भएको फोर्स गाडी र यात्रुको अवस्था अझै अज्ञात छ । शुक्रवार २६ घण्टा बितिसक्दा पनि गाडी र यात्रु’bout कुनै विवरण फेला पर्न नसकेको हो ।

कर्णाली नदीको पानी धमिलो भएका कारण खोजी कार्यमा कठिनाइ भइरहेको जिल्ला प्रहरी कार्यालय दैलेखका प्रहरी निरीक्षक पुष्पराज रोकायले बताए ।

‘सशस्त्र प्रहरी बलको ६ जनाको तालिम प्राप्त गोताखोर टोली समेत परिचालित भई खोजी कार्य भइरहेको छ,’ उनले भने, ‘तर धमिलो पानीका कारण कतै विवरण फेला परेको अवस्था छैन ।’

साथै, गाडीमा सवार यात्रुको सङ्ख्या पनि अहिलेसम्म यकिन हुन सकेको छैन । बिहीबार वीरेन्द्रनगरबाट जाँदा ५ जना जति गएको र बिचमा अन्य यात्रु बोकेर १४ जनासम्म रहेको अनुमान प्रहरीले गरेको थियो । हालसम्म सवारी साधनमा सवार यात्रु सङ्ख्या हालसम्म यकिन हुन नसकेको रोकायाले बताए ।

यद्यपि प्रारम्भिक अनुसन्धान अनुसार उक्त गाडीमा अन्दाजी ५/६ जना यात्रुहरू सवार हुन सक्ने अनुमान उनको भनाइ छ । ‘यात्रुहरूको थप यकिन विवरण सम्बन्धमा खोज तथा अनुसन्धान कार्य जारी रहेको छ,’ उनले भने ।

सम्बन्धित समाचार

हुम्लाको श्रीनगर आसपास केन्द्रविन्दु भएर भूकम्प जुम्लामा तीन हजार ६७१ मेट्रिकटन सिमी उत्पादन लागू पदार्थ तथा अवैध तस्करी विरुद्ध राउटे समुदायमा सचेतना कार्यक्रम संचालन जुम्लामा चिकित्सकमाथि अभद्र व्यवहार गर्ने युवक पक्राउ कालीकोट पूर्णखोप सुनिश्चित जिल्ला घोषणा जुम्ला पूर्णखोप सुनिश्चितता तथा दिगोपना घोषणा जुम्ला सिँचाइ कार्यालयमा कर्मचारी अभाव