काठमाडौं । गोरखाको चुमनुब्री गाउँपालिका-४, प्रोक छाकगाउँकी २९ वर्षीया पेमा खाण्डो लामाको सुत्केरीपछिको स्वास्थ्य अवस्था गम्भीर बनेपछि हेलिकप्टरमार्फत उद्धार गरी गरिएको छ।

लामाको गर्भावस्थाको २८औँ हप्तामै शिशु जन्मिएपछि स्वास्थ्य समस्या आएको थियो राजधानी समाचारदाता। दुर्गम क्षेत्रमा आवश्यक विशेषज्ञ स्वास्थ्य सेवा तत्काल उपलब्ध हुन नसकेकाले महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षा मन्त्रालयअन्तर्गत सञ्चालित राष्ट्रपति महिला उत्थान कार्यक्रममार्फत उनको हवाई उद्धार गरिएको हो ।

मन्त्रालयको समन्वयमा हेलिकप्टरमार्फत उद्धार गरिएकी लामालाई थप उपचारका लागि काठमाडौंस्थित परोपकार प्रसूति तथा स्त्रीरोग अस्पतालमा भर्ना गरिएको छ ।

दुर्गम क्षेत्रमा जोखिममा परेका गर्भवती तथा सुत्केरी महिलाको जीवनरक्षा तथा सुरक्षित मातृत्व सुनिश्चित गर्न मन्त्रालयले राष्ट्रपति महिला उत्थान कार्यक्रमअन्तर्गत निःशुल्क हवाई उद्धार सेवा सञ्चालन गर्दै आएको छ ।

सम्बन्धित समाचार

लालपुर्जाको आश्वासन दिन सुकुमवासीमाझ मन्त्रीको टोली लगातारको वर्षाका कारण चितवनको विभिन्न स्थान डुवानमा नदीजन्य पदार्थ बिक्री वितरण गर्न रोक परम्परागत सीपको संरक्षणमा जोड दिँदै हेटौँडा उपमहानगर ‘सुशासनलाई केन्द्रमा राखेर संविधान संशोधन गरौँ’ : गगन थापा हेटौँडामा नगर ‘ई लाइब्रेरी’ सञ्चालनमा ल्याइने पहिरो खसेपछि कान्तिलोकपथ अवरुद्ध नेपाल वैदेशिक रोजगार व्यवसायिक संघको भेला सम्पन्न