सुदूरपश्चिम । सुदूरपश्चिम प्रदेश सरकारले चार वटा प्रादेशिक अस्पताललाई सहिद दशरच चन्द स्वास्थ्य विज्ञान विश्वविद्यालय शिक्षण अस्पतालका रूपमा प्रयोगका लागि स्वीकृति दिएको छ ।

प्रदेश मन्त्रिपरिषद् आजको बैठकले यसै वर्षदेखि विश्वविद्यालयमा शैक्षिक कार्यक्रम सञ्चालनका लागि कैलालीको सेती, लम्किचुहा र टीकापुर तथा कञ्चनपुरको महाकाली प्रादेशिक अस्पताललाई शिक्षण अस्पतालका रूपमा प्रयोग गर्न दिने निर्णय गरेको हो ।

स्वास्थ्य विज्ञान विश्वविद्यालयको प्रावधानअनुसार प्रादेशिक अस्पताललाई शिक्षण अस्पतालका रुपमा प्रयोग गर्न दिने र त्यसका लागि सम्बन्धित निकायसँग आवश्यक सम्झौता गरी कानुनी र प्रशासनिक प्रक्रिया अघि बढाउने निर्णय गरिएको मुख्यमन्त्री शाहका प्रमुख स्वकीय सचिव प्रयागराज खनालले जानकारी दिए ।

सहिद दशरचन्द स्वास्थ्य विज्ञान विश्वविद्यालय सम्बन्धमा व्यवस्था गरेको ऐन, २०८२ को दफा २० मा प्रादेशिक अस्पतालसँग सम्झौता गरी उपयोग गर्न सक्ने व्यवस्था छ ।

उक्त ऐनमा भनिएको छ, ‘विश्वविद्यालयले नेपाल सरकार, प्रदेश सरकार वा स्थानीय तहको समन्वयमा अस्पतालसँग सम्झौता गरी त्यस्तो अस्पतालमा शैक्षिक कार्यक्रम सञ्चालन गर्न वा शिक्षण अस्पतालको रूपमा उपयोग गर्न सक्नेछ ।’

सम्बन्धित समाचार

धनगढी उपमहानगरद्वारा दशरथ चन्द विश्वविद्यालय परिसर सरसफाइ बागमती सफाइ महाअभियान ६८९औँ हप्तामा प्रवेश झापामा डेङ्गु सङ्क्रमितको सङ्ख्या घट्दो गेटा विश्वविद्यालयः एकातिर संशय, अर्कातिर उत्साह किन बढ्छ मनसुनजन्य रोगको जोखिम ? कार्यस्थलमा स्तनपान कक्षको अभाव ‘शनिश्चरे नगर अस्पताल मातृशिशु सुरक्षा केन्द्र’ जीवन जिउने कलासम्बन्धी कार्यशाला