धनुषा । नापि कार्यलय धनुषाले नापजाँच सकिएको करिब १० वर्षपछि ३१० परिवारलाई जग्गाधनी प्रमाणपुर्जा (लालपुर्जा) वितरण गरेको छ। मिथिला बिहारी नगरपालिका वडा नं ३ का ३१० परिवारलाई लालपुर्जा वितरण गरिएको हो।

साबिक मिथलेश्वर महुवाही वडा नं. १,२,३,४,५,६,७,८ र ९ अन्तर्गत पर्ने स्ववासी जग्गाको नापजाँच आ.व. २०७२/०७३ मा सम्पन्न भएको थियो।

नापजाँच सम्पन्न भए पनि जग्गा दर्ताका लागि आवश्यक जनसहभागिता न्यून हुँदा पुर्जा वितरणको प्रक्रिया लामो समय रोकिएको थियो। विगतमा आयोगबाट नापनक्सा भइसकेको जग्गाको आवश्यक प्रक्रिया पूरा गर्दै ३१० थान जग्गाधनी पुर्जा वितरण गरिएको नापि कार्यलय धनुषाले जनाएको छ।

पुर्जा प्राप्त गरेसँगै लामो समयदेखि स्ववासीका रूपमा बसोबास गर्दै आएका उक्त परिवारले औपचारिक रूपमा आफ्नो जग्गाको कानुनी स्वामित्व प्राप्त गरेका छन्।

सम्बन्धित समाचार

सीमा क्षेत्रमा निगरानी र कडाइसँगै एकपछि अर्को सफलता खेतबारीमा लुकाई राखेको ठूलो परिमाणको गाजा बरामद बकैया नदीमा नुहाउन गएका ३ बालबालिका बेपत्ता एमालेको घरझगडा सर्वोच्चसम्म, के मेयरले पाउँलान न्याय ? एकैपरिवारका ३ जना पुर्पक्षका लागि थुनामा कार्यवाहक नगरप्रमुखलाई सडक अतिक्रमण हटाउन भ्याइ नभ्याई मौलापुर नगर प्रमुखद्वारा ढल निर्माणको निरीक्षण पूर्व कृषि मन्त्री साहले गरिन् विद्यालय भवनको शिलान्यास