दैलेख । नारायण नगरपालिका-११ स्थित मध्यपहाडी राजमार्ग सडक खण्डको नाउलिगाड ठाडो खोलामा अटो तार्न सहयोग गर्ने क्रममा बाढीले बगाउँदा एक बोलेरो चालक बेपत्ता भएका छन्।

गएको सोमबार साँझ खोलामा ठूलो बाढी आएपछि अटो तार्न पुगेका भगवतीमाई गाउँपालिका-५ का २८ वर्षीय टङ्क मगरलाई बाढीले बगाएर बेपत्ता बनाएको हो।

दैलेख बजारबाट भगवतीमाई बेस्तडातर्फ जाँदै गरेको कर्णाली प्रदेश ०२–००१ ह १७४८ नम्बरको अटोलाई भगवतीमाईकै ३० वर्षीय कमल नेपालीले चलाएका थिए। खोलामा बाढी ठूलो भएपछि सडक छेउमा आफ्नो बोलेरो गाडी रोकेर मगर अटो तार्न सघाउन पुगेका थिए।

तर अटो खोला तार्ने क्रममा आएको तीव्र बहावले अटोसँगै मगरलाई पनि बगाएको स्थानीयले बताएका छन्।

घटनालगत्तै खटिएको प्रहरी टोलीले सडकभन्दा करिब १० मिटर तल खोलामा अटो फेला पारेको छ। खोलाले बगाएका बोलेरका चालक मगर भने अझै बेपत्ता रहेको जिल्ला प्रहरी कार्यालयका दैलेखले जनाएको छ । अहिले पनि मगरको खोजी कार्य जारी छ।

सम्बन्धित समाचार

जाजरकोटमा भूकम्पको धक्का जाजरकोटका पहिरो पीडितलाई राहत सामग्री पश्चिम नेपालका पहिरो प्रभावित क्षेत्रमा भौगर्भिक अध्ययन गरिने मन्त्री छनोटमा कुरा नमिल्दा कर्णालीमा शपथ कार्यक्रम स्थगित जुम्लाबाटै सेवा निवृत्त कर्मचारीले प्राप्त गरे ई–पेन्सन सेवा कास्की अन्नपूर्णवासीको निःशुल्क स्वास्थ्य बीमा सुर्खेतको चालिखेमा सर्पले डस्दा महिलाको मृत्यु रोल्पामा पहिरोले घर पुरिँदा तीन जना बेपत्ता