काठमाडौँ । कृष्णभीरमा गएको पहिरोका कारण अवरुद्ध सडक सञ्चालनमा ल्याउने प्रयासअन्तर्गत परीक्षणका रूपमा दुवैतर्फबाट सवारीसाधन पार गराइएको छ।

परीक्षणमा करिब २० सवारीसाधन पास

पूर्वाधार विकास मन्त्री सुनिल लम्सालको सचिवालयका अनुसार काठमाडौँबाट चितवनतर्फ एउटा बुलेट सवारीसहित करिब २० वटा सवारीसाधन परीक्षणका रूपमा पास गराइएको हो।

त्यसैगरी, चितवनबाट काठमाडौँतर्फ एउटा भारी सवारीसाधनसमेत सफलतापूर्वक पार गराइएको सचिवालयले जनाएको छ।

पहिरो प्रभावित क्षेत्रमा सडकको अवस्था र सवारी आवागमनको सम्भाव्यता परीक्षण गर्न सीमित सवारीसाधन पार गराइएको हो।

सडकलाई पूर्ण रूपमा सञ्चालनमा ल्याउन पहिरो पन्छाउने, सतह मिलाउने तथा आवश्यक सुरक्षा प्रबन्ध गर्ने काम तीव्र गतिमा भइरहेको मन्त्री लम्सालको सचिवालयले जनाएको छ।

सडक पूर्ण रूपमा सञ्चालनमा आएको औपचारिक जानकारी नआएसम्म सम्बन्धित निकायको निर्देशन पालना गरी सावधानीपूर्वक यात्रा गर्न यात्रुलाई आग्रह गरिएको छ।

सम्बन्धित समाचार

बाढी पीडितको उद्धार र राहतका लागि निःशुल्क बससेवा कांकडभिट्टामा गोप्रो क्यामेरा जडान ७ वर्षदेखि अल्झिएको राँके–गैँडे सडक : हिउँदमा धुलो, बर्खामा हिलो भम्लु खोलामा सुख्खा पहिराले कर्णाली राजमार्ग पुनः अवरुद्ध समस्यामा मात्रै सम्झिने कान्ति लोकपथ भोटेकोशी बाढीः त्रिशूली–३ आयोजनाको सुरुङको प्रवेशद्वार खोज्दै विशेषज्ञ टोली सुरुङभित्र फसेका मानिसको उद्धारमा खटिएको टीम सुरङभित्र प्रवेश पहिराबाट विभिन्न स्थानका सडक अवरुद्ध