धनगढी । कैलालीको धनगढी उपमहानगरपालिकाले १२ वटा वडाका किसानलाई गहुँको उन्नत बीउमा ५० प्रतिशत अनुदान दिने भएको छ ।

उपमहानगरपालिकाले चालु आर्थिक वर्ष २०८३/०८४ को स्वीकृत कार्यक्रमअन्तर्गत खाद्यान्न बालीको उन्नत बीउ उपयोगमा अनुदान कार्यक्रममार्फत गहुँको बीउमा अनुदान दिन लागेको हो ।

उपमहानगरपालिकाको कृषि विकास शाखाले बुधबार सूचना जारी गर्दै वडा नं. ६, ७, ८, ९, १०, १२, १४, १५, १६, १७, १८ र १९ का इच्छुक कृषक, कृषक समूह तथा कृषि फर्मलाई अनुदानका लागि निवेदन दिन आह्वान गरेको छ । निवेदन दिने अन्तिम म्याद यहि असोज ६ गतेसम्म तोकिएको छ ।

शाखाका अनुसार अनुदान कार्यक्रममा विजय, गौतम, एनएल–९७१ र आदित्य गरि चार जातका गहुँको उन्नत बीउ उपलब्ध गराइनेछ ।

अनुदानका लागि कार्यक्रम मागको निवेदनसँगै नागरिकता प्रमाणपत्रको प्रतिलिपि, सम्बन्धित वडा कार्यालयको सिफारिस तथा जग्गाधनी प्रमाणपुर्जा वा जग्गा सम्झौताको प्रतिलिपि पेश गर्नुपर्नेछ । ऐलानी जग्गामा खेती गर्ने कृषकले सम्बन्धित वडा कार्यालयको सिफारिस पेश गर्नुपर्नेछ ।

कृषक समूह वा कृषि फर्मका लागि दर्ता प्रमाणपत्र, प्यान, व्यवसाय दर्ता र कर चुक्ताको प्रतिलिपि तथा समूहको निर्णयको प्रतिलिपि आवश्यक पर्ने शाखाले जनाएको छ ।

निवेदन फारम सम्बन्धित वडा कार्यालय र उपमहानगरपालिकाको कृषि विकास शाखाबाट प्राप्त गर्न सकिनेछ । रीत नपुगेका तथा म्याद नाघेर प्राप्त भएका निवेदनमाथि कुनै कारबाही नहुने शाखाले जनाएको छ ।

सम्बन्धित समाचार

सुदूरपश्चिम सरकारको न्यूनतम साझा कार्यक्रम सार्वजनिक कैलालीका स्तरीय होटल राति १२ बजेसम्म सञ्चालन गर्न पाइने ग्यास संकट टार्न प्राथमिकतामा घरायसी उपभोक्ता सुन तोलामा सात हजार ६०० रूपैयाँले बढ्यो, चाँदी १४५ रुपैयाँ दलित विद्यार्थीका लागि टीकाराम पार्की छात्रवृत्ति, धनगढी उपमहानगरले माग्यो आवेदन यस्तो छ आजका लागि विदेशी मुद्राको विनिमयदर एकै वडाका २७ जना सम्पर्कविहीन अविरल वर्षाले सुदूरपश्चिमका राजमार्ग तथा सडकखण्ड अस्तव्यस्त