काठमाडौं । साताको तेस्रो कारोबार दिन बुधबार सेयर बजार घटेर बन्द भएको छ।

नेपाल स्टक एक्सचेन्ज (नेप्से) परिसूचक ४.८२ अंकले घटेर २५९८.८९ बिन्दुमा झरेको छ। लामो समयपछि नेप्से परिसूचक २६ सय विन्दुमुनि ओर्लेको छ । यसअघि गत भदौ २९ गते नेप्से २६ सय विन्दुमुनि बन्द भएको थियो।

सेन्सेटिभ इण्डेक्स २.०२ अंक, फ्लोट इण्डेक्स ०.४३ अंक र सेन्सेटिभ फ्लोट इण्डेक्स ०.६५ अंक घटेको छ। नेप्से घटे पनि कारोबार रकम भने बढेको छ। 

१३ मध्ये तीन उपसमूहको परिसूचक बढेको छ । व्यापार उपसमूहको परिसूचक सर्वाधिक १.१८ प्रतिशत बढेको छ। जलविद्युत र म्युचुअल फण्ड उपसमूहको परिसूचक सामान्य अंक बढेको छ।

मंगलबार चार अर्ब ६५ करोड रुपैयाँबराबरको सेयर खरिदबिक्री भएको थियो । ३५२ स्टकको ४७ हजार ९०० पटकको कारोबारमा चार अर्ब ७६ करोड ५१ लाख २७ हजार रुपैयाँबराबरको एक करोड २६ लाख ५५ हजार कित्ता सेयर खरिदबिक्री भएको छ।

आज घलेम्दी हाइड्रो कम्पनीको ३९ करोड ४८ लाख रुपैयाँबराबरको सेयर कारोबार भएको छ। पिपुल्स हाइड्रोपावर कम्पनीको करिब २३ करोड रुपैयाँको सेयर किनबेच भएको छ । मञ्जुश्री फाइनान्सको साढे १८ करोड रुपैयाँभन्दा बढीको संस्थापक सेयर कारोबार भएको छ।

सिन्धु विकास बैंकको सेयरमूल्य सर्वाधिक १४.३७ प्रतिशत बढेको छ। सयपत्री हाइड्रोपावरको सेयरमूल्य करिब साढे ८ प्रतिशत बढेको छ भने घलेम्दी हाइड्रोको सेयरमूल्य करिब साढे ७ प्रतिशत बढेको छ। 

सम्बन्धित समाचार

नेप्से परिसूचक २१ दशमलव १९ अङ्कले घट्यो आजको विदेशी मुद्राको विनिमयदर : चिनियाँ युआन मजबुत, जापानी येन कमजोर ग्यासको मूल्य घट्यो, प्रतिसिलिन्डर २ हजार ६० रुपैयाँमा बिक्री गर्न निर्देशन लुम्बिनी लायन्सको ‘होम डेभलपमेन्ट बैंक पार्टनर’मा शाइन रेसुंगा निरन्तर आजको विनियमदर : चिनियाँ युआन मजबुत बन्दा अमेरिकी डलर र जापानी येन कमजोर, थाई भाट स्थिर बिजुलीमा लगाइएको ५ प्रतिशत भ्याट हटाउँदै सरकार यस्तो छ आजका लागि विदेशी मुद्राको विनियमदर GWM को दसैं–तिहार अफर : विद्युतीय एसयूभी खरिदमा ३ लाखसम्म लाभ