गोरखा । गोरखामा बूढीगण्डकी नदीमा आएको बाढीले दुईवटा झोलुङ्गे पुल र एउटा फलामे पक्की पुल बगाएको छ। बाढीले विभिन्न बस्तीका घर तथा टहरामा समेत क्षति पुर्‍याएको छ भने केही घर जोखिममा परेका छन्।

गोरखाको चुमनुब्री गाउँपालिका–६ स्थित लोक्पा र चुम्लिङबीच पहिरो खसेर नदी थुनिएपछि आएको बाढीले जिल्लाका विभिन्न स्थानमा क्षति पुर्‍याएको हो।

बाढीले चुमनुब्री गाउँपालिका–३ न्याकचेतबाट सिर्दिबास जोड्ने पुरानो झोलुङ्गे पुल बगाएको छ। सोही वडाको सिर्दिबास निवासी रामबहादुर गुरुङको एउटा कच्ची घर बगाएको छ भने अर्को घरमा बाढी पसेको छ।

त्यस्तै, धार्चे गाउँपालिका–५ माछिखोलाबाट केरौजा जोड्ने झोलुङ्गे पुल पनि बाढीले बगाएको छ। माछिखोलाको तल्लो बस्तीमा बाढी पस्दा पाँचदेखि सातवटा घर र पाँचदेखि सातवटा टहरामा बाढी पसेको विवरण प्राप्त भएको छ।

बाढीका कारण धार्चे गाउँपालिका–३ सल्लेरीका २० देखि २२ वटासम्म घर जोखिममा परेका छन्। यसैगरी, आरुघाट गाउँपालिका–२ र ३ जोड्ने सोतीस्थित फलामे पक्की पुल पनि बाढीले बगाएको छ। पुल बगाएपछि उक्त क्षेत्रको आवागमनमा असर परेको छ।

बाढीबाट भएको क्षतिको विवरण प्राप्त भइरहे पनि मानवीय क्षति’bout भने विवरण खुलाइएको छैन। नदीको बहाव र सम्भावित जोखिमलाई ध्यानमा राख्दै तटीय क्षेत्रका बासिन्दाले सतर्कता अपनाउनुपर्ने देखिएको छ।

सम्बन्धित समाचार

पहिरोले घर पुरिँदा पाँच जनाको मृत्यु, एक बेपत्ता गण्डकीमा १८ जनाको मृत्यु, ४ बेपत्ता मनाङमा हिम पहिरोः ४ जनाको निधन, १२ जना अझै बेपत्ता चामेमा थुनिएको मर्स्याङ्दी नदी मंगलबार नेपाली सेनाले खोल्ने मनाङको हिम्लुङमा हिउँपहिरोमा मृत्यु हुने १५ जनाको नाम सार्वजनिक, अझै एकजना बेपत्ता छुटे पूर्वप्रधानन्यायाधीश चोलेन्द्र शमशेर जबरा सम्पर्कविहीन दशै जना जडीबुटी संकलक आए सम्पर्कमा सशस्त्र प्रहरीद्वारा सिराहाबाट ११ सय किलो गाँजा बरामद