काठमाडौं । गत लक्ष्मीपुजाको दिन रिलिज हुने भनिएको पल शाह अभिनित चलचित्र ‘मायावी’को प्रदर्शन स्थगित गरिएको थियो । चलचित्र पूर्णबहादुरको सारंगी नजुधेको यो चलचित्र अब आगामी शिवरात्रीमा रिलिज हुने भएको छ ।

यो चलचित्रलाई आगामी १४ फागुन शिवरात्रीमा सार्वजनिक गरिने यसको निर्माण पक्षले एक विज्ञप्ति मार्फत जनाएका छन् । तर त्यो मितिमा पनि मायावीले अर्को चलचित्रसँग जुध्नु पर्ने भएको छ । जिग्रि र पाँडेको चलचित्र लाज शरणम सोही मितिमा रिलिजको घोषणा चार महिना अघि नै गरिएको थियो । यसरी चलचित्र लाज शरणमसँग जुध्नको लागि १५ कात्तिकबाट चलचित्र मायाबी फागुन १४ पुगेको छ । आफुहरुको चलचित्र बलियो भएकाले मायावीलाई ल्याएर जुधाउँदा फरक नपर्ने कथन लाज शरणमको निर्माण टिमको छ ।

चलचित्र मायावीलाई दिवाकर भट्टराईले निर्देशन गरेका हुन् । यो चलचित्रमा पल शाह र दीपिका प्रसाईंसँगै प्रशान्त ताम्राकार, सुशील सिटौला, लक्ष्मी गिरी, राजाराम पौडेल, करिश्मा श्रेष्ठ, अंशु महर्जन, रवि डंगोल लगायतको अभिनय छ ।

निर्देशक भट्टराई स्वयंको लेखन रहेको मायावीको निर्मातामा राज कटुवाल, चन्द्र पन्त र ध्रुव न्यौपाने रहेका छन् । जसमा राजु विक्रम थापाको छायाँकन, मिलन श्रेष्ठको सम्पादन, शम्भुजित बाँस्कोटा र एसडी योगीको संगीत रहेको छ । निर्माण पक्षले बुधबार यो चलचित्रको फस्ट लुक्स पोष्टर पनि सार्वजनिक गरेको छ । पोस्टरमा पल र दीपिका प्रस्तुत छन् ।

सम्बन्धित समाचार

चलचित्र हेर्दा दर्शकलाई निःशुल्क पार्किङको माग डिजिटल प्लेतफर्ममा भजन शिरोमणिको जीवनकथा कास्टिङ क्राउचको प्रस्ताव वारम्बार झेलेकी कृतिका अभिनेता गोविन्दा फेरी अस्पताल भर्ना रिमै सुरु, दयाहाङ र रिस्मा फेरीसँगै नक्कली विवाहको तस्बिरले अभिनेत्री श्वेता पीडित फिल्म ‘ह्रस्व दीर्घ’ ले ५ दिनमा कति कमायो ? डा. आयुष्नोभा मिस इन्टरकन्टिनेन्टल’का लागि इजिप्ट जाँदै तेल भिसा र अग्नीदहनसँगै रिलिज फिल्म ‘परालको आगो’ मा सुहाना अनुबन्ध बालकृष्ण सापकोटाको “चपुर घुम्न जाउँ” गीत सार्वजनिक सोनाक्षी सिन्हाले खुलासा गरिन् एउटा ठूलो रहस्य